Read Wancho Naga Galatia 1 Bible Online

Galatia 1 - Wancho Naga bible

Galatia 1

¹Khünak angkya, chichangba khünak makhange hüikya chichangle, ikoxle Jisu Khrista üntoxle Hopa Zang, owae chix zidaokya chatle azangle zo ang tompuix, chix wangshem ang nyakle kopkya Pol tokhange.

²Ikhato tüikya tüinaohom pangnu, Galatia angkya müimüithombu hato salam akat ang ku füi tomle hakle tüile.

³Zang kem Hopa üntoxle Jowanpa Jisu Khrista hwome hünzom ang chingcha hia mongsom naxfa.

⁴Athax pongkya ochax tsün chak tokya kem khangkho angai angkya kuxma, Zang tamchu kem Hopa mongtex kax ma laxle, Khrista-e chix tomtata kem ochax hanpakma kox.

⁵Zang ang othuithuima fuazangkya naxtüi! Amen.

⁶Hünzom ma ku abüt maxle! Khrista chingcha makhange hünzom ahyenle kopkya mix hünzome ochwon ma awüt, üntoxle mama kaxho mix pongle kop!

⁷Wünhax thüikoxle: “mama kaxho müikya”, le jaojao müntüi, ikoxlechu hünzom mong ama üntoxle Khrista Kaxho Müikya lüichüi ang azongle ngokyabu khünak züizüi tüikya khoma kue Ija zapu.

⁸Ikoxle kwome wüi changlax chichangba zangkangting kaxtaimixbue wüi changlax, kwome apuk-apuakya boma owae mama kaxho apuk-apuale changlax üihex, Zange haolum to chix to zothup le naxchangkox!

⁹Thotochu wüi kue ija akaxdaopu, ilaxle athaxchu kue ija chatle akaxpu: Hünzome pongle kopdaokya boma mama kaxho owawae apuk-apuale jangchang thüiba, Zange haolum to chix to zothup le naxchangkox!

¹⁰Khünaknue ku wüi changkoxa naxthüile akax ngopuixle apaünpia? Ile otuechu münchang! Kue, Zange sule le thüi angkya lomwüi! Ku khünaknue zaole naxwün le azong ngole le hia? Athaxchu wüi kue ile azong ngo angkya thatha jangchang thüikoxle, ku Khrista da ang münachang ngose.

¹¹Kutüi kunaohom, kue hünzom füi akax fang; Kue apuk-apuakya Kaxho Müikya a khünake zingle alaikya münchang.

¹²Ija kue khünak opupu angkya kopkyachu münchang. Ku hato ija angaile fakya mix a Khrista chix tomtata changle.

¹³Kue Jehudi zanglom twonle ngopongma ku chemle ngokya hex. Chingcha jaojao chitüi le kue Zang müimüithom zo chemle thupkya hex ilaxle ija oli thule amüt ang ku zongbakle azongkya bama hünzom hama wündaoa.

¹⁴Jehudi zanglom süt-mwot lom to angchu Jehudi khünak ku-tsyem ku-dang khama ku tunpa changkya, ilaxle kwom pupa ma bangkya süttho-mwotlom bama kue khünzule mok ngokya.

¹⁵Ikoxle Zange ku puxpaiüi thoto wüi zünle kop, üntoxle chix mwot mok ang sele lax.

¹⁶Üntoxle mixnokbu khato chix bama Kaxho Müikya kue apuk-apua angkya hanpakma otue chixe ku hato Hosa ngaile aho ang mongtex azut tsuaklaxpuix, izuma ku zünkax-saikax lom ang owa hatochu chipao,

¹⁷chichangba ku thoto wüi wangshem ang achangle ngoünkyabu füi apong angle ku Jerusalem to paopu lüchu chichang. Itülüi, ima wüi ku thuile Arabia to pao, ifüima Damaska to chat.

¹⁸Zangpua azom füima tix Pitar füi apong laxle zangwün angle ku Jerusalem to paopu, ilaxle chix füi tomle hatdang anyi nuile toxpu.

¹⁹Jowanpa honao Jakop boma kue mama wangshembu owachu chingün.

²⁰Kue chem zalaxpuix ija a otsingtsing changle. Ku münthaile Zange awanle.

²¹Ifüima ku Siria hia Silisia chaxwan to pao.

²²Iponge Jehudi angkya müimüithom khünakbue ku ahuakle süntsing münwan chitüi.

²³“Kem zothup le ngokya mixe ami chixe amüt ang azong ngokya mongong bama apuk-apuale ngotüia”, le mixe wünkya kaxtai zangwün tata hwome awanle ngo.

²⁴Ilaxle ku hanpakmale hwome Zang achuak.