Read Wancho Naga Galatia 5 Bible Online

Galatia 5 - Wancho Naga bible

Galatia 5

¹Khangkho ngaile ngo ang Khrista-e kem pandaoa! Idaile pandaokya mix ningle shingmongle ajonghüi, nang tamchatle da ang taxachang.

²Apalax, ku Pol-e thüipu; hünzome alüile khwonzüt mixbu chak to jangdan thüiba, hünzom hanpakma Khrista a chem mwot ang münhüi.

³Kue chatlechu akaxpu, ma alüile khwonzüt ang koxkyabue, wanlom ma tüikya olom pangwüi toüi le thashe kopdaoa, chitsuakba maxsax!

⁴Wanlom tokya makhange opang Zang zongto sukya ang achang ang azong laxpuix, hünzom a Khrista füi janüna. Hünzom a Zang chingcha ziamong ma müntüi.

⁵Kwom hanpakma, Zange kwom sukya ang achangle laxkya a kwom monghom; kwom mongong makhange Zang Chasa zonge mwot mok ngokya Ija a kwome hule tanngokya changle.

⁶Jisu Khrista füikya notom ma kem khwon chizütkya hia zütkya ma mafanfan chemchu müntüi, ikoxle zangwün a mongong füi mwot mokkya matix tüile.

⁷Hünzome haxmüi zangma lewüi mokmole hüipu! Otsingtsing kax ma lax angkya to hünzom owae abax? Chixe hünzom chemle jikshempu?

⁸Ija a hünzom ahyenle laxkya Zange mokkya münchang.

⁹Ikuxküsa twonkhaxe wüi nalao bakle ju ang achangkya hwom kax keme atatle hüile.

¹⁰Ikoxlechu athax kople kue hünzom to mongaokya müntüi. Kem tsün khüzün Jowanpa füi notomkya tüikoxle, ku mongjang füi apüile bangüi le hünzom to ku mong münao, ilaxle owae hünzom mong ama laxpuix, Zange chix ang sikngün fa angkya tüiüi.

¹¹Ikoxle, khünake khwonzüt zom zing angkya wüi changpu le kue apukle jangngo thüikoxle, athaxchu ku zothup ngo angkya chemtüi? Ibu zangwün otsingtsing jangchang thüikoxle Khrista pünsak bama apuk-apuakya khoma kue sikngün apong angkya müntüise.

¹²Hünzom to tingtui adün ngokyabu hwom lualua le ma lailai to naxzüt ngokox!

¹³Ikoxlechu tüinaohom, hünzom a khangkho ngaile ngo angle nyakpu. Idaile nange müi-hi-aji mongtex lom ma taxdan. Itülüi, mongkün makhange tata atu-alitkox

¹⁴Chemthüikoxle “Ma tomzi to ma bütukuxle mongkünkox”, le thüikya kaxtom ziamong ma wanlom tanle thomle.

¹⁵Ikoxle hünzome faomüi lailaile, tata to chakmok-janlangle jangchang thüiba, tahulax mi; hünzome otam chitoxle tata oli thuüi.

¹⁶Ku kax a ija changle: Hünzom tsün Chasae zun ang laxkox, imatix hünzome müi-hi-aji jaopo mongzom amüikya müntüiüi.

¹⁷Chemthüikoxle oja kem khünak jaopoe lompuix ija a Chasae lomkya füi opüi changle. Ija nyi a tata füi zan changle, chemthüikoxle nange ma mongtsukya chemchu mok ang müntho.

¹⁸Chasae nang zunkya jangtüi thüiningle nang a Wanlom fangma müntüi.

¹⁹Khünak jaopoe chem moklaxpuix, ija a ngaithokya changpu. Ija a ibu changle: Chinunchakkai; nusak-nusüi ilaxle zongzukkya mwot;

²⁰chapa shwomkya; khunkya; achax-azankya; anu-ahaikya; tuwuk-lajat; miktsak-khangsyen; küntsik-mongma; atsi-alakya; jenu-shipa;

²¹ahak-ahankya; osing-nüfux; mong apamkya; jutok-saxngat; thomsha-khuazong; iningkyabu. Ami pongkya ningle athaxchu kue hünzom ang kaxkhün fapu: Opange iningkyabu saxmok laxüihex, ibue Zang Wangting kop ang müntho.

²²Ikoxle Chasa oziak a ibu changpu: Mongkün; mongmüi; mongsom; adukya; chingchajaja; müikya; mongong; jonai; ilaxle ma alüile akumathumkya;

²³iningkyabu füi wanlom müntüi.

²⁴Ilaxle opang Khrista Jisu ma tüilaxpuix, hwome khünak jaopo a ma müi-hi-aji mwot füi tomle takle langdaoa.

²⁵Kem chasa ma ozün ma ngokya jangchangba, kem a chasa machu ahamhax.

²⁶Kem chingamüi, tata mong chiatsiküi tamchu osing-nüfux chitüiüi.