Read Wancho Naga Efisia 1 Bible Online

Efisia 1 - Wancho Naga bible

Efisia 1

¹Zang küntsu monglua tokhange Khrista wangshem ang achangkya Pol tokhange: Khrista füikya notom ma mongong ma chiale le ngokyabu, Efisia ma tüikya otsao khünakbu hato:

²Kem Hopa Zang hia Jowanpa Jisu-e chingchajaja tamchu tumüi naxfa.

³Kem Jowanpa Jisu Khrista Hopa Zang ang keme münchong fahax! Chemthüikoxle Khrista füikya kem notom ma, zangkang tingsho mohiman kem ang koxle chixe kem to mohimandaoa.

⁴Chix pomtho ma kem otsao ang achang angkya ilaxle thaikya chemchu chitüile chang angkya bama, Khrista füikya notom ma kem, Zange kem amiba wüi chix hanpak ang zünle thom daokyabu changle.

⁵Chix mongkün khoma Khrista ma kem chixsu chixsa ang achang angkya Zange mongzangwünle tsuak daokya changle. Ija a chix mongmüi tamchu chix chaktung changle.

⁶Chix chingcha fuazang, chix mongkün Hosa ma kem ang amuamua le koxkya chix hingho, ibu hanpakma keme Zang achuak hax!

⁷Chemthüikoxle Khrista zikya makhange tix kem dan-panpu, thüikoxle keme ochaxbu thailak atakpu.

⁸Chixe kem ang chongle thütle koxkya Zang chingcha otukux chongkya changpuix!

⁹Chix hwon-je üntoxle tsing-wankya pangnu ma Zange chix chaktung chem hex ija mokle, ilaxle Khrista makhange tsuak angkya chix mong ma zangwün tsuak daokya huxsa mwottho keme awan ang koxle.

¹⁰Ija mwottho, oja otu-owan nguile hüikya füi tomle Zange tsuak angkya hex, ija a Khrista okhang ang lax üntoxle Zang chakzing, ding hia hax ma otukux tüilaxpuix, ibu pangnu tuita ma asüi angkya changle.

¹¹Pangnuli Zang mwottho hia mongzang wünkya ma tix mokle hüipu; üntoxle pongwang tokhange wüi thomkya chix mongzangwün ma athong laxle, chix chaktung khomale Zange kem Khrista füikya notom ma chix khünaknu ang zünle kople.

¹²Idaile, hai, pongwang ma Khrista to mongong thomkyabu, keme Zang fuazangkya achuak-hax.

¹³Üntoxle hünzom chuwüi, hünzom hato khosün apüikya Kaxho Müikya bama otsingtsing kaxho otue atatpuix, hünzom chuwüi Zang khünaknu ang achangpu. Hünzome Khrista to ong, üntoxle chixe faüi hexo le tsaokya Otsao Chasa koxlaxle Zange hopupa münwan chix shin tople.

¹⁴Zange chem faüile tsaodao laxpuix, ibu keme kop angkya hanpakma Otsao Chasa a thathüt changle, ilaxle ija makhange, Zange chix kux ang ngokyabu ang dan-pankya anguile fa angkya changle le monghom fale. Keme chix fuazang achuak-hax!

¹⁵Ija khoma kue Jowanpa Jisu ma hünzom mongong ilaxle Zang khünaknu to hünzome mongkünkya atatkya tokhange,

¹⁶kue hünzom hanpakma Zang mün achuakkya mazak. Kue hünzom ku zangjop ma texle atak ngopu.

¹⁷Üntoxle hünzome chix awan angkya kuxma, kem Jowanpa Jisu Khrista Zang, fuazangkya Hopa ma, hünzom jetüi hwonlangkyabu ang achang fa angkya ilaxle ngaile aho angkya chasa laxhüi le jupu.

¹⁸Tamchu, chem hato chixe hünzom nyakpuix, ija monghom a chemhex, chix khünaknu hanpakma chixe tsaosax le tüikya ohünotün mohiman a otukux ahak-alua puix, (chix to ongkyabu kem ma mokle tüikya chix mwot otukux zongle tüipuix),

¹⁹Ija hünzome awanle lax angkya hanpakma, chix zangngai ngün angkya hünzom mongka daple khangka naja adün fakox le kue joppu.

²⁰Kem ma mwot mokle ngokya ija akhokya tsakzong a, chixe Jisu Khrista azangle azwot ilaxle zangkangting to chix tsaxchi ma athung ang twonkya zong tuitata wüi changpu.

²¹Ikhato Khrista-e, ding to apün-awangkyabu, tsakzongbu tamchu baozangbu thakma apün-awangle; chix ma ija chaxwannu hia füichi chaxwannu tsakzongbu mün füi ataxkya mün tüile.

²²Pangnu li Zange Khrista chifa fangma thom üntoxle akhokya hopupa ang achang ang chix müimüithom ang kox.

²³Müimüithom a Khrista tompo, thüikoxle chix matix tsuakkya changle, owae pangnu li nok khato wüi tsuak laxpuix.