Read Wancho Naga Efisia 3 Bible Online

Efisia 3 - Wancho Naga bible

Efisia 3

¹Ija khoma mixnokbu kuxmale kople thomkya Pol, kue Zang to joppu.

²Hünzom fün amüi ang ija mwot mok ang Zange chix chingcha makhange ku ang koxle tüile le hünzome atat jaojao daoa.

³Zange chix huxsa mwottho ku hama ngaile aho ilaxle ija kue awan ang koxle. (Ija bama kue amoxle zadaopu,

⁴ilaxle kue chem zadao laxpuix ija hünzome jange thüiba, kue Khrista huxsa bama tsingle thomkya hünzome awanle lax ang thoüi).

⁵Amipongma ija huxsa bama khünaknüsa hama apuale chithom, ikoxle Zange Chasa makhange athax a ija wangshembu hia ajebu hato angaile aho.

⁶Huxsa zangwün a ija changle: Kaxho Müikya makhange mixnokbuechu Jehudi nok füi Zang mohiman mantswon ma tuita; tuita tompo ma wom ilaxle Khrista ma Zang kaxtsaobu tomwüi tom-hanüi.

⁷Ataxkya chix zong mwot makhange kopkya, tamsüikya Zang hingho tokhange ku a Kaxho Müikya da ang achang.

⁸Otsao khünakbu khama ahixkya füi ngaxchu sühixkya ku changpu; ikoxlechu hwom hanpakma Khrista tam chibak toxle chix ahak-aluakya Kaxho Müikya mixnokbu hato apuk angkya hanpakma Zange ku zünle kop;

⁹ilaxle Zange chix huxsa mwottho chemle changle mokle ahoüihex, khünaknu pangnu hama ija aho ang tom. Zang, owa pangnu zingkya hopupa hex, chixe ma huxsa mwottho thochi tsüntsün ma pyenle thom;

¹⁰Ija a, anyixkya tsün ma, müimüithom makhange kaxtaimix apün-awangkyabu hia ding angkya chaxwan tsakzongbue mama lom tokhange chix hwon-je tsingle lax angkya hanpakma,

¹¹Zange ija oshuk chitüikya chix chaktung füifüile mok; ija chixe kem Jowanpa Jisu Khrista ma tsuakle hüi.

¹²Khrista füikya notom ilaxle keme chix to mongongkya tokhange mongao chitüi le Zang ngwotnui to hüi ang kem ma mongchyen tüipu.

¹³Kue hünzom ang thüipu; hünzom ojao taxza, chemthüikoxle hünzom zongma le ku sikngün le ngopu; kue thüipu: ku sikngün a hünzom ang olüi tüi angkya hanpakmale changle.

¹⁴Hopa, owa makhange zangkangting hia chaxwannu ma tüikya homkha pangnue ma mün changle koplaxpuix,

¹⁵Ija khoma hexle ku chix chitong ma akhuxpu.

¹⁶Fuazangle chix ahak-aluale tüikya kha tokya hünzom mong ma zong adün angkya bama Chasa makhange zong laxkoxle kue Zang ma jupu,

¹⁷üntoxle mongong makhange Khrista-e nang mongtsang ma chix ang nui zing angkya hanpakma kue zangjoppu.

¹⁸Zangsu Zangsabu pangnusa füi tomtomle, Khrista mongkün a otukuxle khao ilaxle lole tüipuix, otukux tsua ilaxle zule tüipuixle tsing angkya zong hünzom ma naxtüi tomta le, mongkün ma otsing jule hünzom ma oting naxsüt ang kue zangjoppu.

¹⁹Changle, ija a otuechu bakle tsing ang tho angkya oli münchang ilaxle Zang ma atüitüi komle awangle tüi ang kopüi le münchang; ikoxlechu hünzome chix mongkün tsingle naxlax kox ang.

²⁰Chix owae kem ang zong mwot makhange keme ju-lomkya chichangba ajang apangkya thak to moktsuak angkya tüipuix,

²¹müimüithom ma ilaxle Khrista ma ojento, tamchu oshuk chitüi toxkya fuazang naxtüi! Amen.