Read Wancho Naga Kolosi 3 Bible Online

Kolosi 3 - Wancho Naga bible

Kolosi 3

¹Hünzom a Khrista füikya notom ma azangle ngokyabu changle, idaile hünzom kün-mong a zangkangting, ojong khato Khrista Zang tsaxchi angkya chix ngwotnui ma thungle ngopuix, ikhato tüikya jalibu to koxle thomlax.

²Hünzom kün-mong a, ikha tokya chaxwannu mwotkat to chichangle, chukha tokya mwotkat to ajingle koxthom lax.

³Chemthüikoxle hünzom a zidaoa, ilaxle hünzom khüzün tsün a Khrista füi tomle Zang ma akhün thomle.

⁴Hünzom khüzün tsün otsingtsing a Khrista changle ilaxle otue chix ngaiüihex, izuma hünzom chuwüi chix füi tomle ngaiüi ilaxle chix fuazangkya süntswon ma womüi.

⁵Nang ma mokle tüikya chaxwannu küntsu monglua, thütba: chinunchakkai, chitsao chimaokya, chimüikya to mong zalokya, ochax mokse tsukya, o-singkya; oja chapa shwomkya changpuix, ibu pangnu hünzome langdaoa.

⁶Chemthüikoxle iningkyabu khoma chix kax ma chilaxkyabu hato Zang mongtsik nguiüi.

⁷Ibue hünzom thakma apün laxle ngotanto hünzomchu tam a iningkyabu küntsu monglua lom ma ngole hüidaoa.

⁸Ikoxle athax a hünzom a ibu füi thüikoxle: mongtsik, mongma, anukya, chanyit mowün ilaxle tun makhange zak-kop zang wünkya, ibu füi atsai angkya changle.

⁹Tata füi kaxthai le zang taxwün; chemthüikoxle hünzom amikya khünak chix mwot füi tomle amütdaoa,

¹⁰ilaxle mixzün awunlaxle ngoüna. Hünzome chix tsingwankya okhonguikya hato ahüi angkya hanpakma, zingpupae chix lailaile zingkya othuithuima azünle zing ngokya a ija tsün hozün changle.

¹¹Ikhoma mixnok hia Jehudi nok, khwonzüt zom twonkya hia chitwonkya, chemchu chitsuak chimankya nok, dinghüt khosom ngokya nok, dabu tamchu dan-pan thomkyabu le süipaikya chemchu müntüi, ikoxle Khrista pangnu, pangnu ma Khrista.

¹²Hünzom a Zang khünaknu changle; chixe hünzom to mongkünle üntoxle hünzom a chix mamix ang kamle kopkya changle. Idaile hünzom a, chingcha, mongkün, puinaikya, jonaikya ilaxle adukya, ibu füi awunlaxle ngolax.

¹³Tata füi adule tüilax üntoxle hünzome owawa füi chisumüikya zangwün tüipongma tata ang thailak laxkox. Jowanpa-e hünzom ang thailak fadaokya ningle hünzomechu tata ang thailak fa angkya changle.

¹⁴Üntoxle ibu pangnu to mongkün, ojae pangnu li ziakho nguikya notom ma khale thompuix, ijae bokox.

¹⁵Khrista-e fakya mongkün a nang mong zangwün to zun angkya hanpakma changle; chemthüikoxle müitom tuita ma hünzom pangnu chixe nyakle ngokya a ija mongsom hato nyakkya changle. Üntoxle münchong fakya tüikox.

¹⁶Hünzom kün-mong ma Khrista kax a thanu juapa ningle ngo ang laxkox. Hwon-je pangnu makhange tata hama anwot-anokox ilaxle adangle laxkox. Münchuak tsai, otsao tsai, üntoxle chasa tsai, ibu ngaokox.

¹⁷Hünzome chix makhange Hopa Zang ang münchong fakya zuma, hünzome mokkya hia akaxkya pangwüi, Jowanpa Jisu mün ma tsuakkox.

¹⁸Kakonubu, hünzome ma kakopabu chak to dankox, chemthüikoxle khristan tuita ningle ija a hünzome mok angkya oli changle.

¹⁹Kakopabu, hünzome ma kakonubu to mongkünkox, ilaxle hwom zongto zongzanle taxtüi.

²⁰Naosombu, jento manu hia mapa kax ma laxle ngo angkya hünzom khristanbu mwot changle. Chemthüikoxle ija a tuita Zang mong amüi angkya mwot changle.

²¹Honu hia hopabu, hünzome ma naosom mong taxama, ile changkoxle hwom ang mong athoüi.

²²Dabu, pangnuli to hünzom tsangtsa ma hopunu kax ma laxle tüikox, hwome nang to mike hule ngopong ma tata sule le naxthüi ang chichang homtoxle, nange Zang chathua zakya khoma mongkoxle saxmok kox.

²³Hünzome amokmok pangwüi to, khünak hanpakma chichangle Zang hanpakma mokpu le hünzome künkox mongkoxle mokkox.

²⁴Zange chix khünaknu hanpakma chem thomlaxpuix, ija hünzom ang hingho ningle kox angkya mong ma koplax. Chemthüikoxle hünzome thotha ngokya hopupa tsingtsing a Khrista changle.

²⁵Ilaxle thaile amokmok pangnu ang wüi hwome thaile mokkya olüix faüi, chemthüikoxle masüi mixlüikya chitüi le Zange pangnusa ang kaxfün fa angkya