Read Wancho Naga 1 Thesalonika 1 Bible Online

1 Thesalonika 1 - Wancho Naga bible

1 Thesalonika 1

¹Pol, Sila hia Timothi hwom tokhange: Thesalonika angkya müimüithom, opang Hopa Zang tamchu Jowanpa Jisu Khrista kux hex, hwom hato: Chingcha hia mongkün hünzom tsyen ang naxchang.

²Hünzom pangnu hanpakma kwome jento Zang ang münchong fapu üntoxle jento kwom zangjop ma hünzom mün lünpu.

³Chemthüikoxle hünzome chemle hünzom mongong mwot ang achangle twonpuix, hünzom mongküne hünzom ang azongle mwot amokpuix, üntoxle Jowanpa Jisu Khrista tokya hünzom mongong chemle oshing mongle tüipuix, ibu kwome kem Hopa Zang thüntho ma texle atakpu.

⁴Kutüi kunaohom, Zange hünzom to mongkünle tamchu chixe hünzom chix-ma chix-mix ang zünle thompu le kwome awanpu.

⁵Chemthüikoxle kwome hünzom hato Kaxho Müikya apüipu, kax tata ma chichang, ikoxle tsakzong ilaxle Otsao Chasa makhange, tamchu ija otsingtsing komle angaikya makhange apüipu. Kwom hünzom füi ngotanto chemle ngokya hex ija hünzome awanpu; ija a hünzom fün amüi angkya kuxma changkya.

⁶Hünzome kwom thüi tamchu Jowanpa thüi anopu; ilaxle hünzom huanuma sikngün koxlechu, Otsao Chasa tokhange hüikya mongmüi füi hünzome ija kaxho pongle koppu.

⁷Ikhoma hünzom a Mesidonia hia Akaia angkya mongong mixbu zongto tuita khristan zanglom changle aho angkyabu achangpu.

⁸Mesidonia hia Akaia makhange hünzom angkya Jowanpa kaxho tata paokya chichang, ikoxle Zang tokya hünzom mongong bamachu wüi pangnu chito pule pao. Ifüima kwome akaxse lükya oli chemchu müntüi.

⁹Kwome hünzom wai pongma hünzome kwom wün chemle pwonle pongkop, chapa shwomle ngokya zangshwom ha tokya ozün ma ngokya Zang thotha ang hünzom chemle chat, ibu pangnu bama khünak noke wüi wünle.

¹⁰Tamchu hünzom mong chatkya a: chix Hosa Jisu Khrista, chixe owa zidaokya chatle azünpuix üntoxle hüile ngokya Zang mongtsik tokya kem owae azün laxpuix, ija chix Hosa zangkangting tokya chatüi tan angkya bamachu changle.