Read Wancho Naga 1 Thesalonika 3 Bible Online

1 Thesalonika 3 - Wancho Naga bible

1 Thesalonika 3

¹Oshukma, kwome adu ang chitho laxle, kwom Athen tingnu ma kwom tata ngo ang mongzangwünle tsuakdaoa.

²Ibama kwome Timothi, kwom tüinao owae kwom füi tomle Zang hanpakma mwot mokpuix, chix a Khrista bama Kaxho Müikya apuk ang tsanle apaoüi. Kwome chix hünzom zong adün ang tamchu hünzom mongong to fong ang tsanle apaopu,

³tamchu ija a hünzom opupuchu ija zothup khoma chatle samkya chitüi angkya kuxma changle. Ija ningkya zothup a kem hanpakma Zang mongtex changpu le hünzome jaochu awanle ngopu.

⁴Chemthüikoxle kwom hünzom füi ngotanto, ile changüi thoto wüi acha le kem to zothup angkya changle le hünzom hama kwome wündaopu; ilaxle hünzome sümüile awanpu, ija lailaile changtomtapu.

⁵Ikhoma kue Timothi akat angkya laipu. Ku mongto adu ang chitho laxle, hünzom mongong paktik ang kue chix tsanle akatkya changle. Bao-e thwontsing laxle kwom mwot chem angchu chiachangle chang angkya otuechu münfaüi le kwome ongpu.

⁶Athax a Timothi chatüna, ilaxle hünzom mongong hia mongkün bama müikya kaxho chixe kwom hato apüile. Kwom hanpakma hünzom tutex omüi tamchu kwome hünzom ngünse le sungkya kax chixe kwom hama wünle.

⁷Kwom sikngün zothup khato, tüinaohom, hünzom kaxho atatlaxle kwom ang mongchongle. Kwom mongchong ang fakya a hünzom mongong changle.

⁸Jowanpa füikya notom ma hünzom tsün shingmongle jangngo thüikoxle, tüta ningkya sikngünchu kwome adu ang thoüi.

⁹Athax a kwome hünzom bama kem Zang ang münchong fa ang thoüi. Hünzom khoma chix chitong ma kwom ma tüikya mongsom bama kwome chix ang münchong fapu.

¹⁰Kwom huake hünzom ngün ang kop angkya üntoxle hünzom mongong hanpakma chempang laxli hex ibu fatsuak angkya bama kwome zangnak zangngaile kwom monge bakle chix to joppu.

¹¹Hopa Zang hia kem Jowanpa Jisu Khrista-e hünzom sün ngün angkya bama lom daple naxfa hüi!

¹²Jowanpa-e hünzom mongkün tata hanpak ang naxachang ilaxle khünaknu nok hanpakma sütsong-sütsong naxtsong ilaxle hünzom to künkya kwom mongkün tukuxle naxachang.

¹³Ile chixe hünzom tsakzong ang koxüi ilaxle kem Jowanpa Jisu Khrista chix khünaknu füi ngui nyix Hopa Zang thüntho ma hünzom ofwot chitüi le tamchu otsao ang achangüi.