Read Wancho Naga 1 Thesalonika 4 Bible Online

1 Thesalonika 4 - Wancho Naga bible

1 Thesalonika 4

¹Oshukma tüinaohom, Zang mong amüikya tsün chemle ngoüihex, ija hünzome kwom makhange awanle laxlax. Hünzom ngole hüikya ija changle. Üntoxle athaxchu Jowanpa Jisu münma ifüi sütsexle mok-hüile kwome hünzom zongsaipu.

²Chemthüikoxle Jowanpa Jisu zong makhange kwome hünzom ang adangle fakya hünzome awanle ngopu.

³Hünzom otsao ma tamchu chinunchakkaikya füi atsaile ngo angkya Zang mongtex changle.

⁴Lüka mixpa pange wüi, Zang chitsingkya songsaribu ningle, mikza lokya hia asingkya chitüi homle,

⁵otsao hia achuak achenle ma kakonu füi ngo ang awan kop angkya oli.

⁶Ija olom ma khünak owaechu ma üitho khristan füi thaile chimoküi chichangba dyen-nganle chichangüi. Kwome ija hünzom hama thotochu akaxdaoa, athaxchu kaxkhün koxle akaxpu, iningle mokkya khünak to Jowanpa-e sikngün faüi.

⁷Zange kem naklyen-khosyen le ngo ang nyakkya chichang ikoxle otsao ma ngo ang nyakwüi.

⁸Idaile, khünak owae ija hwon-nwot kax chilaxle awütüi hex, chixe khünak chiekya münchang, ikoxle Zang, owae Otsao Chasa koxpuix, chix chiepu.

⁹Hünzom hato ma üitho mongong mixbu to künkak mongkün tüi angkya bama za ngo angkya chem mwot müntüi. Hünzome tata to chemle kak-kün angkya hex, ija a Zang, chix tomtatae hünzom hama apuale fadaoa.

¹⁰Changle, otsing tomtata ma Mesidonia angkya tüinao hwom to ile hume daoa. Idaile tüinaohom, kwome hünzom ang ifüi sütsexle mok hüi thüipu.

¹¹Somdangkya tsün ngo angkya hünzom mongjang ang achanghüi. Ma mwottho to khünkhile tüilax, ma tsün a ma manzai füi thom ang thüikox, ija kax kwome thotochu akaxdaokya changle.

¹²Iningle changkya tokhange hünzome chiongkya khoma hünzome chathua zakya ataküi, tamchu nange laxse lükya mwot-kat bama nange owawa to onglaxle ngo angkya münchang.

¹³Ku tüinaohom, monghom chitüikyabu ningle hünzom angchu mongtsik mongmakya chitüi angkya kuxma, ziünkyabu bama otsingtsing hünzome awan koxle müisele kwome texpu.

¹⁴Jisu zidaokya ikoxlechu chatle azangle zopu le kwome ongpu, ikhoma opang chix to ongle zilaxpuix, Zange hwom Jisu füi tomle chatle laxüile kwome ongpu.

¹⁵Athax kwome hünzom ang anwot-ano ngokya Jowanpa hwon-nwot a ija changle: Jowanpa nguikya tukma kem ozün ma nuikyabu a, opang zile ngoünpuix, hwom thoto achale dongnui angkya le münchang.

¹⁶Iponge azaxle kaxtomkya ozing, thüikoxle akhokya kaxtaimix zing, tamchu Zang nyazong mütkya zing atatüi, ilaxle Jowanpa chix jaojao zangkangting tokya juüi. Khrista to onglaxle opang zile ngoün laxpuix, hwom thoma zoüi;

¹⁷ifüima zangwin ma Jowanpa füi apong ang ozün ma ngokyabu hwom füi tomle zangfwom ma dünüi. Ifüima a kem othuithuima Jowanpa füi ngoüi.

¹⁸Idaile ibu kax füi tata mong achenle ngolax.