Read Wancho Naga Jihusua 12 Bible Online

Jihusua 12 - Wancho Naga bible

Jihusua 12

¹Athaxpi Jordan shuanu zongma handünchi haxtok komkaile zan to lütlaxle Israel noke koptsuak daoa. Hwome kopkya haxtok: Arnon haxsha makhange dongle Jordan haxsha alople ilaxle shuakux chito Harmon Haxnu alople. Hwome wanghom anyi to lüt.

²Wanghom tuita a Sihon, Heshbon ma apünle ngokya Amor nok wanghompa. Chix wangting a Gilid haxtok süifi jao womle: Aroar (Arnon haxsha otua ma tüikya) hia ija haxsha osung wama tüikya tingnu makhange Amon longzipong tokya Jabbok shuanu alople;

³ijae Jordan haxsha angkya Galili Shinthuk-titung, Beth Jeshimoth zongma shuathongchi (Omang Tinu zongma handünchi) ilaxle Piska haxnucha to leüi lom pangwüi to o.

⁴Hwome Bashan wanghompa Og to chuwüi lüt. Chix a Refaim khama akiakyapa tuita; chixe Ashtaroth hia Edrüi nyi ma apünkya.

⁵Chix wangting ma Harmon haxnu, Salekah, Geshur hia Makah longzibu alople Bashan haxtok pangwüi, anaolechu Gilid haxtok süifi, ija a Heshbon nok wanghompa Sihon wangting alople, ibibi bakle wom.

⁶Eja wanghompa anyi to Mosa hia Israel khünaknue anao; JOWAN dapa Mosa-e ibu haxtok koplaxle Reuben hia Gad tamchu Manasseh homjen süifile ahanle tüikya homjenbu ang koxle hwome ija haxtok hwom tingtok ang kop.

⁷Jihusua hia Israel khünaknue Jordan zongma hannopchi haxtok ma tüikya wanghombu pangwüi to lüt. Lebanon haxsha angkya Balgad makhange shuathongchi ma Edom zui angkya Halak Haxnu alople tüikya haxtok pangwüi hwome kop. Jihusua-e ibu haxtok homjen-homjen to sündaole mating-matok ang lax ang ahanle kox.

⁸Ija haxtok wankam ma: haxhua nok, hannopchi haxnu chithong ma tüikya nok, Jordan haxsha hia ija haxchithong nok, handünchi haxsha ilaxle shuathongchi haxkozan to tüikya onok pangwüi wom. Ija haxtok a Hit nok, Amor nok, Kanan nok, Peri nok, Hip nok, ilaxle Jebu nok, ibu tingtok changkya.

⁹Ibibi tingnu angkya wanghombu to Israel noke lüt: Jeriko, Ai (Bethel zui angkya)

¹⁰Jerusalem, Hebron,

¹¹Jarmuth, Lakish,

¹²Eglon, Gezer,

¹³Debir, Gedar,

¹⁴Horamah, Arad,

¹⁵Libnah, Adulam,

¹⁶Makkedah, Bethel,

¹⁷Tappuah, Hefar,

¹⁸Afek, Lasharon,

¹⁹Madon, Hazor,

²⁰Shimron Meron, Akshaf,

²¹Tanak, Megido,

²²Kedesh, Jokneam (Karmel ma),

²³Dor (tinu kax ma), Goim (Galili ma),

²⁴ilaxle Tirzah: pangnu athütle wanghom hwom 31.