Read Wancho Naga Jihusua 16 Bible Online

Jihusua 16 - Wancho Naga bible

Jihusua 16

¹Jusep su-sa hwom ang koxkya haxsüt shuathong chikao longzi Jeriko hozui angkya Jordan ma paxkya Jeriko shuasa opong handün chikao makhange sak-hax chitole. Jeriko makhange dongle haxhua nok Bethel alop.

²Bethel makhange ija, Arki nok ngokya Ataroth Addar akaile Luz to le.

³Ija makhange hannop chitole le Jaflet nok, Shuathongchi Beth Horon alople ju. Ija Gezer makhange thuithuile lekya Mediterenian Tinu ma ashuk.

⁴Jusep su-sa hwom, Efraim homjen ilaxle hannop Manasseh, ibue ija haxtok hwom tingtok ang kop.

⁵Ija a Efraim saxthom haxsüt changle; hwom longzi Ataroth Addar makhange handün chito haxkhochi Beth Horon to le.

⁶Imakhange Mediterenian Tinu to ngui. Mekmethath a hwom zongma shuakuxchi ma dantox. Handün chikao longzi Tanath Shiloh chito kwonle handün chito lekya Janoah alop.

⁷Janoah makhange Ataroth hia Naamah chito lekya Jeriko alop ilaxle Jordan shuanu ma ashuk.

⁸Ija longzi hannop chito lekya Tappuah makhange Kanah shuasa alop ilaxle Mediterenian Tinu ma ashuk. Ija a Efraim homjen ang hwom tingtok ang kop ang koxkya haxtok.

⁹Imakhange Manasseh longzipong to tinglong hia tingkhuabu chuwüi tüikya, ikoxlechu ibu a Efraim nok ang koxle apao.

¹⁰Ikoxle hwome Gezer ma tüikya Kanan nok jwonle chiapao, idaile anyix kople Kanan nok Efraimbu füi tomwüile ngole hüile, ikoxlechu atsangle hwom mwot mok ang dabu ningle thomle.