Read Wancho Naga Jihusua 19 Bible Online

Jihusua 19 - Wancho Naga bible

Jihusua 19

¹Anyi-lükya haxtok süntswon Simeon homjen hato ngui. Ija haxsüt a Judah homjen ang koxkya haxtok alople tüikya.

²Ikhama Bersheba, Sheba, Moladah,

³Hazar Shual, Balah, Ezem,

⁴Eltolad, Bethul, Hormah,

⁵Ziklag, Beth Markaboth, Hazar Susah,

⁶Beth Lebaoth, ilaxle Sharuhen: tingnubu 13, ibu akhople tinglongbu le tüikya.

⁷Anaole chuwüi Ain, Rimon, Ethar, üntoxle Ashan: tingnubu ali, ibu akhople tüikya tinglongbu tüikya.

⁸Ija ma, tingnu ibu akhople, shuathongchi ma Balath Bar (Ramah), alople tüikya. Ija a Simeon homjene hwom haxsüt ang kopkya haxtok changpu.

⁹Judah homjen ang koxkya haxsüt a hwom zongto huanuma tüikya khoma, hwom haxsüt jongtakha Simeon homjen ang kox.

¹⁰Azom-lükya haxtok süntswon Zebulun homjen hato ngui. Hwome kopkya haxsüt a Sarid alople tüikya.

¹¹Imakhange haxsüt longzi hannop chito Mareal to ngui. Itang ma Jokneam zongma handünchi ma tüikya shuasa hia Dabesheth to lyetle tox.

¹²Sarid zongma mamachi kao ma ija kisloth Tabor longzipong alople handün chitole, imakhange Daberath ilaxle Jafia alople ngui.

¹³Imakhange thuithuile handün chitole le Gath Hefar hia Ethkazin to nguilaxle Rimon to leüi Lomnu tüikya Neah chito kwon.

¹⁴Shuakuxchi to longzi Hannathon chito akwonle lekya Iftahel haxsha ma ashuk.

¹⁵Kattath, Nahalal, Shimron, Idalah, üntoxle Bethlehem, ibu pangwüi wom: tingnu pangwüi 12, ilaxle ibu akhople tüikya tinglongbu tüihukya.

¹⁶Ibu tingnu hia hwom tinglongbu a Zebulun homjen haxsüt ang kopkya haxtok wankam ma tüikya.

¹⁷Ali-lükya haxsüt süntswon a Isakar homjen hato ngui.

¹⁸Ija wankam ma womkyabu: Jezril, Kesulloth, Shunem,

¹⁹Hafaraim, Shion, Anaharath,

²⁰Rabbith, Kishion, Ebez,

²¹Remeth, Engannim, Enhadah, üntoxle Bethpazez.

²²Ija haxsüt longzie: Tabor, Shahazumah, üntoxle Beth Shemesh, ibu pangwüi to lyet, ilaxle ija Jordan ma ashuk: tingnu 16, ibu ma akhople tüikya tinglongbu tüihukya.

²³Ibibi tingnu hia tinglongbu a Isakar homjene hwom haxsüt ang kopkya haxtok wankam ma tüikya.

²⁴Aga-lükya haxsüt süntswon Ashar homjen hato ngui.

²⁵Ija haxsüt ma haxmik ibibile wom: Helkath, Hali, Beten, Akshaf,

²⁶Alam Melek, Amad, üntoxle Mishal. Hannopchi kao ma ijae Karmel üntoxle Shihor Libnath to lyet.

²⁷Ija handün chito kwon koxle longzi a Bethdagon to le, ijae Bethemek hia Neiel to leüima shuakuxchi kao ma Zebulun hia Iftahel haxsha to lyetle le. Ija shuakuxchi kao longzi Kabul,

²⁸Ebron, Rehob, Hammon, ilaxle Kanah, Sidon alople le.

²⁹Ifüima longzi a Ramah chito kwonle Tair tingnu angkya, pan zinglaxle ziakople tüikya tingnubu alop, ifüima ija Hosah chito kwonle lekya mediterenian Tinu ma ashuk. Ikhama Mahalab, Akzib,

³⁰Ummah, Afek, üntoxle Rehob: tingnu 22, ibu akhople tinglongbu tüihukya.

³¹Ibu tingnu hia tinglongbu a Ashar homjene hwom haxsüt ang kopkya haxtok ma tüikya.

³²Azok-lükya haxsüt süntswon a Neptali homjen hato ngui.

³³Hwom haxsüt longzi Helef makhange Zananim ma tüikya Ok kople, imakhange Adaminekeb hia Jamnia to nguile Lakkum aloplaxle Jordan ma ashuk.

³⁴Longzi imakhange kwonkya hannopchi Aznoth Tabor haxtok ilaxle Hukkok to lai, imakhange shuathongchi ma Zebulun to, hannopchi ma Ashar to ilaxle handünchi ma Jordan to lyetle le.

³⁵Pan zailaxle ziakople thomkya tingnubu a Ziddim, Zar, Hamath, Rakkath, Kinnereth,

³⁶Adamah, Ramah, Hazor,

³⁷Kedesh, Edrüi, Enhazor,

³⁸Jiron, Migdalel, Horem, Bethanath, ilaxle Beth Shemesh: tingnu 19, ibu akhople tüikya tinglongbu tüihukya.

³⁹Ibibi tingnu hia tinglongbu a Neptali homjene hwom haxsüt ang kopkya haxtok ma tüikya.

⁴⁰Anüt-lükya haxsüt süntswon a dan homjen hato ngui.

⁴¹Ija haxsüte Zorah, Eshtaol, Irshemesh,

⁴²Shalbim, Aijalon, Ithlah,

⁴³Elon, Timnah, Ekron,

⁴⁴Eltekeh, Gibbethon, Balath,

⁴⁵Jehud, Beneberak, Gathrimmon,

⁴⁶Mejarkon, üntoxle Rakkon, tamchu Joppa akhople tüikya haxtokbu womle tüikya.

⁴⁷Chemtue Dan hwome hwom haxtok amütpuix, hwom Laish to pao ilaxle ija to single tingtak. Hwome ija kop, ikha angkya khünaknu lang ilaxle ija hwom kux ang laxle sungdün. Hwome ikhama ating-anokle ngo, ilaxle Laish tingnu mün Dan le alüix; ija a hwom pupa dan mün tswonle amün.

⁴⁸Ibibi tingnu hia tinglongbu a dan homjen ang koxkya haxsüt ma tüikya.

⁴⁹Chemtue Israel khünakbue haxtok süntswon ahanle tsuak puix, Nun sasün Jihusua ang chix huak haxsüt hex-ole chaxwan jongtakha kox.

⁵⁰JOWANPA kaxtom lailaile hwome chix ang tingnu chixe jukyakya kox: Efraim haxhua ma tüikya Timnath Serah chix ang kox. Ija tingnu chixe zingle amüi ilaxle chix ima ngo.

⁵¹Nguapa Eliazar, Nun sasün Jihusua hia Israel nok lompabu thome Shiloh ma JOWANPA ngwotnui Nyihom fülom ma JOWANPA füi kaxtik-ngaoshole chang ang chizing tswon laxle haxsüt tom-hanle koxkya mwot tsuakle hüi.