Read Wancho Naga Jihusua 20 Bible Online

Jihusua 20 - Wancho Naga bible

Jihusua 20

¹Ifüima JOWANPAe Jihusua ang

²Israel nok füi ile akax ang tom: “Kue Mosa makhange hünzom hama wün angkya kaxtom koxdaokya ningle hünzome pünpao tingnubu (mütkop mixbu azang angkya tingnubu) zünlax.

³Chak-chax-jansaxle owawa mik amütle mütkopkya khünak, chix to jannong alüi ang lomle ngokyabu chak tokya ikhato paole azang ang tsuaküi.

⁴Chix a ibu tingnu tütapu to paole hüiüi, ilaxle ija tingnu pan ma kaxfün nui to nguilaxle chempangle changpuix, ibu bakle ikhama tüikya lompabu hama wünüi. Ifüima hwome chix ija tingnu to dong ang koxüi ilaxle chix ang ngwotnui tuita koxüi, ikoxle tix chix ikhato ngo ang tsuaküi.

⁵Chix to jannong alüisele lomkya mix ikhato jangngui, tingnu angkya khünakbue ija mixsün chak to chix chikoxüi. Hwome chix sünle kopüi, chemthüikoxle chixe ija mixsün mongtsik makhange chaktung ma chichangle chak-chax-jansaxle langkya changpu.

⁶Chix ikhato onok kaxfün makop-makople tamchu ipongma Nguakho ang ngole asukya mix mazi-mazile ngo ang tsuak. Ifüima chixe dantoxkya ma tingsho to chatle ngui ang tsuak.”

⁷Idaile Jordan zongma hannopchi kao ma Galili angkya Kadesh süile kop, ija a Neptali haxtok haxhua angkya Shekem; ilaxle Judah haxhua angkya Hebron le süile kop.

⁸Jordan zongma handünchi kao ma, Jeriko sak-hax haxsha ma Bezar süile kop; ija a Reuben haxsüt ma womle tüikya Gilid angkya Ramoth ma tüikya Gilid angkya Ramoth süile kop; Gad haxsüt ma tüikya Gilid angkya Ramoth süile kop; ilaxle Bashan ma Golan süile kop, ija a Manasseh haxsüt ma tüikya.

⁹Ibibi tingnu a Israel nok pangwüi hanpakma tamchu hwom füi tomle ngole hüikya mixnokbu hanpak ang chuwüi mütkop mixbu paole azangtsuak angkya tingnubu changkya. Owawae chak-chax-jansaxle mix mik amütkya khünak. Chix to jannong alüile chang ang lomle ngokya chak tokya chix ibu tütapu khato thüichu paole azang ang tsuak; chix a onok kaxfün machang tanto langle awüt ang müntsuak.