Read Wancho Naga Jihusua 21 Bible Online

Jihusua 21 - Wancho Naga bible

Jihusua 21

¹Liwi hwom homjen kha angkya lompabu, nguapa Eliazar, Nun sasün Jihusua hia mama Israel nok lompabu hato ngui.

²Ilaxle Kanan haxtok angkya Shiloh ma hwome ibu ang thüi: “JOWANPAe Mosa makhange kwom ngo angkya tingnubu tüi angkya hex-o ilaxlechu ibu akhople kwom tsom-pom hanpak ang fumtsütnui tüiüi hex-ole kaxtom koxkya tüipu.”

³Idaile JOWANPA kaxtom tüikya ningle Israel khünakbue Liwi hwom ang, hwom haxsüt tokna to tingnubu hia fumtsütnui haxtokbu kox.

⁴Liwi homjen khama Kohath saxthome ija tingnubu süntswon pongwang ma kop. Nguapa Arun makhange hüikya sixlibu ang tingnu 13 kox. Tingnu ibu a Judah, Simeon hia Benjamin hwom haxsüt ma asu.

⁵Mamabu Kohath saxthom ang tingnu 10 Efraim, Dan hia Hannop Manasseh hwom haxsüt ma kox.

⁶Gershon saxthom ang tingnu 13 kox, tingnu ibu a Isakar, Ashar, Neptali, üntoxle Handün Manasseh, ibu haxtok ma kox.

⁷Merari saxthom ang tingnu 12 kox; ibu tingnu a Reuben, Gad hia Zebulun hwom haxsüt ma asu.

⁸Mosa makhange hüikya JOWANPA kaxtom tüikya ningle Israel khünakbue Liwi hwom ang tingnu hia fumtsütnui haxtokbu chizing tswonle ahan.

⁹Ibibi a Judah hia Simeon nyie Arun sasün hwom ang koxkya tingnubu mün changpu.

¹⁰Hwom a Liwi makhange hüikya Kohath saxthom changkya. Tingnu süntswon pongwang ma hwom ang kox.

¹¹Hwom ang Arba tingnu kox (Arba a Anak hopa changkya), athax ija ang Hebron le nyakle, ija a Judah haxhua ma tüile. Fumtsütnui chuwüi ibu füi tomtomle tüikya.

¹²Ikoxlechu tingnu angkya manzai nui haxtok tamchu tinglong ma tüikyabu chuwüi Jefuneh sasün Kaleb ang chix ting chix tok hex-ole thoto wüi koxle thom.

¹³Hebron (mütkop mix azang angkya tingnu tuita), ija to bole ibibi tingnu a nguapa Arun sixli hwom süntswon ang kox: Libnah,

¹⁴Jattir, Eshtemoa,

¹⁵Holon, Debir,

¹⁶Ain, Juttah, üntoxle Beth Shemesh, fumtsüt angkya onuibu chuwüi womle; Judah hia Simeon nyi homjen angkya tingnu aku.

¹⁷Benjamin haxsüt angkya hwom ang tingnu ali koxkya a: Gibeon, Geba,

¹⁸Anathoth, üntoxle fumtsütnui füi koxkya tingnu Almon.

¹⁹Tingnu 13, fumtsüt angkya onui füi nguapa Arun su-sa hwom ang kox.

²⁰Liwi saxthom mamabu Kohath haxnu-homsabu ang Efraim haxtok ma tingnu hidaole kox.

²¹Hwome ang tingnu ali kox: Fumtsütnui füi tomle, pünpao azang angkya tingnu Efraim haxsüt ma tüikya Shekem, Gezer,

²²Kibzaim, üntoxle Beth Horon, ija chuwüi fumtsütnui füi tomle kox.

²³Dan haxsüt angkya hwom ang tingnu ibu kox: Eltekeh, Gibbethon,

²⁴Aijalon, üntoxle Gathrimmon, ija chuwüi fumtsüt nui füi tomle kox.

²⁵Hannop Manasseh haxsüt angkya tingnu anyi: Tanak hia Gathrimmon, fumtsütnuibu füi tomle kox.

²⁶Kohath homjen haxnu-homsabue pangnu athüt koxle tingnu 10 ma fumtsütnuibu füi kox.

²⁷Mama Liwi othom, Gershon saxthome Handün Manasseh haxsüt ma tingnu anyi, fumtsüt angkya onui füi kop: Golan a Bashan ma pünpao azang nui tingnu tuita ilaxle Besterah le kop.

²⁸Isakar haxsüt ma hwome tingnu 4: Kishion, Daberath,

²⁹Jarmuth, ilaxle Engannim, fumtsütnuibu füi kop.

³⁰Ashar haxsüt ma tingnu ali: Mishal, Abdon,

³¹Helkath hia Rehob; ibu fumtsütnui füi kop.

³²Neptali haxsüt angkya tingnu azom: Kadesh a Galili ma (pünpao azang angkya tingnu tuita), Hammoth Dor hia Kartan, ibu pangwüi fumtsütnuibu füi kop.

³³Gershon haxnu-homsabue pangwüi athüt koxle tingnu 13, ibu ma fumtsütnuibu füi kop.

³⁴Mama Liwi hwom, Merari saxthome Zebulun haxsüt ma tingnu 4: Jokneam, Kartah,

³⁵Dimnah, ilaxle Nahalal, ibu ma fumtsüt angkya onuibu füi kop.

³⁶Reuben haxsüt ma hwome tingnu 4: Bezar, Jahaz,

³⁷Kedemoth, üntoxle Mefath, ibu ma fumtsütnuibu füi kop.

³⁸Gad haxsüt ma hwome tingnu 4: Gilid angkya Gilid, ija ma fumtsüt angkya onui füi (pünpao tingnu tuita), Mahanaim,

³⁹Heshbon, üntoxle Jazar, fumtsüt angkya onuibu füi kop.

⁴⁰Ikoxle Merari saxthom hato, pangnu athüt koxle tingnu 12 ngui.

⁴¹Israel noke kopkya haxtok angkya, pangnu athüt koxle 48 tingnu, ibu ma fumtsüt angkya onuibu füi Liwi hwom ang kox.

⁴³Ikhoma JOWANPAe hwom pupa hwom füi koxüihex-ole tsaokya haxtok Israel nok ang komkaile kox. Chemtue hwome ija haxtok kople tsuak puix, hwom ikhama tingtan-nokzingle ngo.

⁴⁴Hwom pupa hwom ang tsaodaokya ningle, JOWANPAe hwom ang haxtok pangnu khato wüi tumüi-lomkhao le ngo ang tom. Hwom zan-nokbu tuita ngaxchu hwom füi alünle zongpan ma ajong ang chitho, chemthüikoxle JOWANPAe Israel nok ang zan-nok pangwüi to lüt ang tom.

⁴⁵Israel khünakbu füi tsaosaxkya JOWANPAe tuita chu alakle chitox, ikoxle pangwüi tsuakle hüi.