Read Wancho Naga Jihusua 23 Bible Online

Jihusua 23 - Wancho Naga bible

Jihusua 23

¹Müimamale aba füimatix JOWANPAe Israel nok ang akhople tüikya hwom zan-nokbu chak tokya kho-awale thom. Ipongma Jihusua a müimamale taiko ang achang.

²Ikhoma chixe Israel nok tüichong mixmüibu, lompabu, kaxfünpabu, ilaxle mama nguakax-wangkhobu pangwüi se üntoxle thüi: “Athaxpi ku a müimamale taikopa ang achangle maxdaoa.

³Hünzom khama ibu jat-libu to JOWANPAe chempangle mokdaopuix ibu hünzome pangwüi ngünle hüipu. JOWANPA hünzom Zang hünzom hanpak ang azanle hüipu.

⁴Athax kople makoptsuakle tüikya haxtokbu ngaxchu kue hünzom homjen-homjen ang ma haxtok hex-ole tom-hanle koxdaopu. Ifüima kue opang jat-libu to lütle koptsuakdao laxpuix, ija a Jordan shuanu handünchi ma, imakhange hannopchi ma Mediterenian Tinu alople, ma süntswon-tswon le ahanle koxdaopu.

⁵JOWANPA hünzom Zang-e ibu hünzom thoto achale pao ang tomüi ilaxle hünzom hüikya füi tomle chixe hwom jwonle apaoüi. JOWANPA hünzom Zang-e hünzom füi tsaosax daokya ningle haxtok hünzome kopüi.

⁶Idaile Mosa-e Wanlom Laipex ma zale tüikya pangwüi kax ma lax angkya tamchu ile mok angkya tsuak ang-o thüilax. Ikha angkya olom tuita ngaxchu ajaole taxtüi,

⁷ilaxle hünzom khama danle toxkya mixnok khünakbu füi hünzom tomsax-tommok le chichangüi chichangba hwom baozangbu mün lünle zang chiwünüi chichangba tsaosaxle changpongma ibu mün chilünüi chichangba ibu baozangbu to shwom-to le chichangüi chichangba ibu tong to puinaile chichangüi.

⁸Itülüi, JOWANPA to mongong thomlax. Anyix kople hünzom ngole hüikya lailai ngolax.

⁹Hünzom nguikya füi tomle JOWANPAe tüle chongkya tamchu tsak-zongle tüikya jat-libu jwonle apaopu ilaxle hünzom füi zongpan ma ajong ang owae ngaxchu chitho.

¹⁰Hünzom noknoke wüi hajat tuipong makhange mixhuakke afütle apao ang thopu, chemthüikoxle, JOWANPA hünzom Zang a, chixe tsaosax daokya lailaile hünzom hanpak ang azanle ngokoxpu.

¹¹Idaile, JOWANPA hünzom Zang to mongkün angkya bama khünkhilax.

¹²Ikoxle hünzome kax ma chilax, ilaxle athax kople hünzom füi tüile ngokya mixnokbu füi tomsax-tommok ilaxle ibu füi tuiju-nasomle jangchang,

¹³hünzome tsingle koplax, JOWANPA hünzom Zang-e hünzom hüikoxlechu ibu jat-libu jwonle münapao. Itülüito, hünzom zongto hwom a tai chichangba tswomkha ningle tuita chongkya thomzün atak angkya ilaxle tok ma sansüi füi fitkya koppupu le chichangba mik ma hux wangpupu le changkyae hünzom to poxle ngoüi. Ija ile ngokya a, JOWANPA hünzom Zang-e hünzom ang koxkya ipong müikya haxtok ma hünzom tütachu ota chitoxle machangchangba ile wüi ngoüi.

¹⁴“Athax ku hato zi angkya tu-hi-wan nguile hüile. Hünzom pangpange wüi, JOWANPA hünzom Zang-e chix kaxtsao lailaile hünzom ang amüimüisa komle koxle hüikya ma mongmong to awanlaxle ngopu. Chixe atsaotsao pangwüi mokle hüipu; tuita ngaxchu chichangle chialyet.

¹⁵Ikoxle chixe hünzom füikya chix kaxtsao pangwüi chemle thomtsuak puix, ija lailaile aza-anakya zangwün pangwüi mokle pao ang tomüi.

¹⁶JOWANPA hünzom Zang-e hünzom ang koxkya kaxtom hünzome chithom ilaxle hünzome mama baozangbu thothale hia ibu to shwomle jangchang, izuma chix mongtsik füi chixe hünzom to sikangünüi, ilaxle chixe hünzom ang fakya ipong müikya kaxtom ma hünzome tuita ota chitoxle chixe chwonle wüi amütüi.”