Read Wancho Naga Jihusua 3 Bible Online

Jihusua 3 - Wancho Naga bible

Jihusua 3

¹Ofüinop swomsa ma wüi, Jihusua hia Israel khünaknu kaiwüi zo, Akasia angkya pom dantox, ilaxle Jordan to ngui. Shuanu ta angkya tanle hwom ikhama athong.

²Nyix azom füima lompabu pom tiale waile aham.

³Hwome khünaknu ang thüi: “Chemtue Liwi hwom homjen kha angkya nguapabu, JOWANPA hünzom Zang füikya longza-kaxtom suak pailaxle ajongkya hünzome ngünüihex, mapompom pünlax ilaxle hwom füifüima azuilax.

⁴Hünzom ikhato chemtuechu nguile ma-ano idaile hünzom le angkya lomtang hwome ahoüi. Ikoxlechu Tsaotsüt suak hato soxle taxhüi, ija füi zangdom tuita tukux atsaile ngolax.”

⁵Jihusua-e khünaknu ang thüi: “Hünzom malualua to tsaothale changlax chemthüikoxle ngainyix a JOWANPAe hünzom khama ohünotün mwot mok angkya changle.”

⁶Ifüima chixe nguapabu a ija Tsaotsüt Suak koplaxle khünaknu thoto achale le angkya akax. Hwome chix kax ma laxle mok.

⁷JOWANPAe Jihusua füi akax: “Anyix kue chem moküihex ija makhange Israel noke nang a tuita alixachong khünak changle le achuak-achen angkya owang wang ang tomüi, ilaxle Mosa füi ngokya ningle ku a nang füi womle ngokya hwome awan ang kopüi.

⁸Tsaotsüt Suak koplaxle ngokya nguapabu füi, hwome shuanu alopkya zuma, hwome ti to somle shuakax zui ma ajongle ngo angkya akaxkox.”

⁹Ifüima Jihusua-e khünaknu ang thüi: “Ikhato hüilax ilaxle JOWANPA hünzom Zang-e hünzom füi akaxse lükya zangwün to apale koplax.

¹⁰Hünzome alople hüikya zuma chixe Kanan nok, Hit nok, Hip nok, Peri nok, Girga nok, Amor nok ilaxle Jebu nok; ibu pangwüi jwonle apao angkya changle. Khüzün Zang a hünzom khama womle tüile le hünzome awan ang kopüi.

¹¹Chemtue zangfang pangnu JOWANPA Tsaotsüt Suak-e hünzom thoto achale Jordan shuanu tale changüihex, izuma hünzome ija tikle laxüi.

¹²Athax mixsün bün anyi zünlax, Israel nok homjen 12 foto tuipong a.

¹³Chemtue zangfang JOWANPA Tsaotsüt Suak pailaxle tüikya nguapabue ti to cha füi tingle changüihex, Jordan shuanu jenle ngokya zakle paoüi, ilaxle jenle jukya ti jongta khama athumle athünüi.”

¹⁴Ipongma tsaxzüt tukha, shuanu a tichene lyemle tüikya. Chemtue khünaknue Jordan shuanu ta angle hwom pombu danle toxpuix, Tsaotsüt Suak pailaxle nguapabu thoma le. Nguapabue ti to tingkya füi tomle,

¹⁶jenle ngokya ti thumle jongta khama afox ilaxle Zerethan zui angkya Adam tingnu alople anongle jenle dong. Omang Tinu jenle jukya tijen owüiole zop, ilaxle Jeriko zui makhange khünaknu tale le ang tho.

¹⁷Khünaknu haxzan to tale lengo pongma, JOWANPA Tsaotsüt Suak paile ngokya nguapabu shuanu osungkha to haxzan ma, khünak bakle takya tan ang ajongle ngo.