Read Wancho Naga Jihusua 8 Bible Online

Jihusua 8 - Wancho Naga bible

Jihusua 8

¹JOWANPAe Jihusua ang thüi: “Süpahi pangwüi laxlaxtox ilaxle Ai tingnu hato donglax. Nang ojao taxza chichangba mong taxhi. Ai nok wanghompa to kue nang ang lüt ang tomüi; chix khünaknu, chix tingnu, chix haxtok pangwüi nangkux ang changüi.

²Jeriko hia ija wanghompa to chemle hwondao laxpuix, nange ilailaile Ai hia ija wanghompa to chuwüi hwon angkya changpu, ikoxle hünzome tuina hia tsom-pom hünzom hanpak ang tüi ang tsuak. Ija tingnu to lomnong tokhange hüilaxle allele sing ang achwonlax.”

³Ikhoma chix süpahibu pangwüi koplaxle Ai tingnu to dong ang Jihusua achwon. Chixe hajat 30 amüimüi chix süpahibu othom süi ilaxle zangnak ma wüi

⁴ile zün-sai laxle akat: “Tingnu tachi ma azwonle ngolax, ija makhange tsailo to taxzak; ikoxle sing ang achwonle ngolax.

⁵Ku füi tomle tüikyabue tingnu to tangthole nguiüi. Chemtue Ai tingnu angkya khünakbu kem füi azan ang laile changüihex; owang pongkya ningle kwom anongle zikle paole ahoüi.

⁶Kem achuale hwom tingnu angkya bakle laile paoüi. Owang pongkya ningle hwom thoto kem zikle paoünale hwome thütüi.

⁷Ipongma azwonle ngokya hünzom lailaxle tingnu ziakople bangüi. JOWANPA hünzom Zang-e ija hünzom ang koxüi.

⁸Hünzome tingnu kople changkya füima ija to wünlang kox, ija a JOWANPA kaxtom changle.”

⁹Ifüima Jihusua-e hwom pao ang tom, ilaxle hwom a Ai tingnu zongma hannop chikao ma Ai tingnu hia Bethel nyi zo ma, ma chwon-chwon koplaxle tanle nui. Ija ja Jihusua a thongnui towüi chatle pom.

¹⁰Ngainop ningle swomsae zolaxle Jihusua-e süpahibu nyakle asox, ilaxle chix üntoxle Israel nok lompabue ibu to pünzün-wangsaile chang laxle Ai tingnu to ngui.

¹¹Chix füi tüikya süpahibu tingnu pandün hato ngui ilaxle shuakuxchi kao ma pom zai. Hwom hia Ai nyi obama haxsha tuita tüikya.

¹²Chixe hajat aga tukux khünaknu laxlaxle tingnu zongma hannopchi ma chwon koplaxle tanle ngo ang tom. Ija a Ai hia Bethel nyi zo ma.

¹³Tingnu zongma shuakuxchi angkya pom ma tüikya süpahibu füi tomle hannopchi ma tüikya süpahibu ija ja haxsha ma pom.

¹⁴Ai nok wanghompa-e Jihusua süpahibu ngünkya zuma nonokhaile, chix khünaknu koplaxle Israel khünaknu füi azan ang othopongma apongkya kha Jordan haxsha to lai. Nuakfüichi tokhange chix to singfangle ojao chitex.

¹⁵Jihusua hia chix süpahibue zale paopuix naxthüile zikle chat, ilaxle hwom kothofa chito zikle pao.

¹⁶Tingnu angkya khünaknu hwom füito achuale zik ang komle sele asox. Hwome Jihusua achuale zik ikoxle hwom a tingnu füi siatsai-siatsai atsaile pao.

¹⁷Ai tingnu angkya khünaknu pangwüi Israel nok füito achuale zik, ikoxle tingnu a, owaechu ija kho awa angkya chitüile kotho-ngaizale dantox.

¹⁸Ipongma JOWANPAe Jihusua ang thüi: “Nang paxtun Ai tingnu chito thakox; kue ija nang chak to koxle ngopu.” Chix füi akaxkya lailaile Jihusua-e mok,

¹⁹ilaxle chixe chak ajongkya füi tomle, chwon koplaxle khünle ngokyabu pangwüi ajong, tingnu chito zikle nop ilaxle ija hwople kop. Hwome janba ma wüi tingnu to wünlang.

²⁰Chemtue Ai khünaknue aküile hupuix, hwome ding to wünkhut naktakle dongüi ngünlelax. Athax hwom ang paole azang angkya olom chemchu chitüi, chemthüikoxle kothofa to zikle paokya Israel khünaknue hwom akhople kop ilaxle anongle hwom to single hüi.

²¹Chemtue Jihusua hia chix khünakbue, mama othomechu tingnu hwople koptsuak laxle eto wünlangle changkya wünkhut ngünkya zuma, hwome akhople koplaxle Ai nok lang ang süt.

²²Tingnu amüt tsuaklaxle Ikha angkya Israel nok ija azanle ngokya khato ngui. Imakhange sisile Ai nok a pao nui ojao chitüile Israel noke akhople koplaxle hwom pangwüi langle awüt. Owachu paole azang ang chikop, ilaxle ija akaile owachu ozün ma chingo.

²³Ai nok wanghompa, chix tata ozün ma koplaxle Jihusua hato apüi.

²⁴Hwom achuale hüi ang tomlaxle Israel noke nguapabu kothofa to bakle langtsuak. Ilaxle hwom Ai tingnu to ngui üntoxle ima atüitüi pangwüi langle awüt.

²⁵Jihusua-e chix paxtun Ai tingnu chito zile thomkya, khünaknu bakle langle matsuak tanto chiajo. Ija nyix wüi Ai tingnu ma tüikya khünaknu pangwüi langtsuak. Lang tsuakkya sheko-lüka pangwüi athütle hajat bün anyi süt.

²⁷JOWANPAe Jihusua füi akaxkya lailaile Israel noke ija tingnu ma kopkya tuina hia tsom-pom hwom hanpak ang tüi.

²⁸Jihusua-e Ai tingtak laxle olithule amüt. Ija a anyix kople ile wüi tüitan.

²⁹Chixe Ai tingnu angkya wanghompa mang pün ma ashale hansong kople thom. Zanghan mik dütle chang füima Jihusua-e ija mang ajo angkya kaxkox, ilaxle ija mang a tingnu panja ma tswonle awüt. Hwome ija to long füi chwople tox, ija anyixchu tüitan.

³⁰Ifüima Jihusua-e Ebal haxnu ma JOWANPA, Israel nok Zang ang tö-tsap tuita zing.

³¹Chixe ija JOWAN dapa Mosa-e Israel khünaknu ang chix makhange fakya Wanlom ma adangle fakya lailaile zing: “ija tö-tsap tuita a, jan füi honghele machangkya long füi zing.” Ija ding ma hwome JOWANPA ang zokle ashunkya tö kox, ilaxle hwome notom-tusüi tö chuwüi kox.

³²Ikhama, Israel khünak noknue hule ngopongma, Mosa-e zale tüikya Wanlom longkhao tuita Jihusua-e ija longtok ma zingle tox.

³³Israel khünaknu hwom lompabu, nguakax-wangkhobu ilaxle kaxfünpabu tamchu hwom füi tüikya mixnokbu chuwüi womle, JOWANPA Tsaotsüt Suak atale ozyen anyi ma, nguapabu Liwi hwom, ija Suak pailaxle ngokyabu chito tok aho ilaxle süifie Gerizim haxnu chito tok aho ilaxle süifie Ebel haxnu chito tok ahole ajong. JOWAN dapa Mosa-e hwom ang, mohiman koxtu nguikya zuma ile mok angkya hwom ang kaxtom koxle tüikya.

³⁴Ipongma Jihusua-e noknue atatle azaxle Wanlom pangwüi e. Wanlom laipex ma zale tüikya ningle mohiman hia othuak-ozom kop angkya oli pangwüi e.

³⁵Mosa kaxtom pangwüi, Jihusua-e sele asoxle tüikya khünaknu hama ele kox. Ikhama mixnu-naosa pangwüi tamchu hwom khato ngole hüikya mixnokbu ngaxchu tüikya.