Read Wancho Naga 2 Thesalonika 2 Bible Online

2 Thesalonika 2 - Wancho Naga bible

2 Thesalonika 2

¹Kem Jowanpa Jisu Khrista ngui angkya bama ilaxle chix füi tomle asox angkya bama; tüinaohom, kue hünzom ang thüipu,

²Jowanpa hanpak athax changle le, Chasa makhange wüi changlax, kax makhange wüi changlax, kwom mün lünlaxle laiza ma wüi changlax, hünzom mong lele ma alox ang chikox angkya chichangba khosam chitüi angkya bama kwome hünzom ang thüipu.

³Tütalom machu owaechu hünzom dyen-ngan ang taxtom, chemthüikoxle owa haolum hanpakma-ole uale thomdao laxpuix, ija chisumüikya mix ngaile malai tanto ilaxle oshukma Zang füi azankya machang tanto ija nyix münhüiüi.

⁴Chixe zang le athüiüi pangnu füi chichangba shwomkya oli pangnu füi alünüi ilaxle chix hwom pangnu thak tokya ang achangüi. Chix zangshwom-hom to nop ilaxle thungüi üntoxle chix a zang changpu le thüiüi.

⁵Hünzome texle münatak hia? Ku hünzom füi tüitanto kue ibu pangwüi hünzom hama wündaokya münchang hia?

⁶Ikoxle athax ija chang ang chikoxle abax thomkya lita tüile; ilaxle ija chem hex hünzome awan ngopu. Hanpak thütkhak le changkya zuma ija chisumüikya mix ngaiüi,

⁷mike chingünkya chisumüikya mwot a mokle ngoüna, ikoxlechu chix abaxle ngokya mixe chix lom mashan tanto chem chang angkya tüipuix ija chang ang müntomüi.

⁸Ifüima chisumüikya mix sün ahoüi, ikoxle Jowanpa Jisu nguikya zuma chix a zakmütle langüi üntoxle fale nyankya füi chix womkyae chix oli thuüi.

⁹Ija chisumüikya mix bao zong füi nguiüi ilaxle othai ohünotün ilaxle abütkyabu mwot moküi,

¹⁰ilaxle max angkyabu zongto chisumüile dyen-ngan angkya olom pangwüi twonüi. Hwom khosün angkya kuxma otsingtsing hia mongkün pongle chikopkya khoma hwom maxüi.

¹¹Ikhoma oja othai hex ija to hwome changpu le naxlax ang Zange hwom ma mwot mok ang achax angkya zong hwom hato ahüiüi.

¹²Ifüima ile changüi, opangsae otsingtsing to mong chiong laxpuix, ikoxle ochax füi mongmüi le changlaxpuix, pangwüi ahai le awütüi!

¹³Tüi-hi-naohom, hünzom opang to Jowanpa-e mongkün puix, hünzom hanpakma othuithuima kwome Zang ang münchong fa angkya changle. Otsingtsing tokya hünzom mongong tokhange hünzom otsao khünakbu ang achang angkya hanpakma Chasa zong makhange khosün kop angkya bama pongwang lükya ang Zange hünzom zünle kopkya changle.

¹⁴Kwome apukkya Kaxho Müikya tokhange ija hato Zange hünzom nyakkya changle; kem Jowanpa Jisu Khrista fuazang ma hünzom süntom tswonle kop angkya chixe hünzom nyakkya changle.

¹⁵Idaile tüi-hi-naohom, kwom hwon-nwot hia kwom laiza, oja kwome hünzom hama apukpuix, otsingtsing ma shingmongle ajong ilaxle ibu künle koplax.

¹⁶Kem Jowanpa Jisu Khrista chix jaojao tamchu kem Hopa Zang, owae kem to mongkün puix üntoxle chix chingcha makhange chithai jaokya mongchyen hia shingmongkya mongong falaxpuix,

¹⁷othuithuima müikya zangwün ang hia müikya mwot mok ang hünzom mong naxchong tamchu atsak azong le naxfa.