Read Wancho Naga 2 Timothi 3 Bible Online

2 Timothi 3 - Wancho Naga bible

2 Timothi 3

¹Oshuk hanpakbu ngui ningle sikngün hanpak tüi angkya le mong ma koplax.

²Khünakbu a tsingpux, nüfux, tsaichong-kaxbong, üntoxle ngamle tüiüi; hwome ajao-ahaiüi, nuzün-pazün kax ma chilaxle tüiüi; tata achuak achenkya tamchu zanglom tokya chemchu chitüi le changüi;

³akak akünkya chitüi, chingchajaja chitüi, mix zia ama ang tungkyabu, shixle zochongkyabu, ilaxle za-adünkya, ibu hwom ma tüiüi; hwome müikya thua anuüi;

⁴hwome tata ale-zak to adütüi, khün chikhiüi, angang le ngamüi; hwome Zang füichu müi-hi-aji mongmüi towüi süluaüi;

⁵otok to ngün ang kopkya tata twonlaxle zanglom tokya ahole hwome ija ma tüikya otsingtsing zong tomtata a chilaxle ahaiüi. Iningkyabu füi atsaile ngolax.

⁶Hwom züizüi khünakbu hom to nguiüi ilaxle zong chitüi le ngokya shekobu opang ma ochax hünlixe sheplaxle tüilaxpuix ilaxle mongzokkya oli pangnue jwonle ahamle tüilaxpuix,

⁷shekobu opange awanle kop ang azong koxlechu otuechu otsingtsing awan ang chitole ngolaxpuix, iningkya shekobu hwome ma chak ma kople.

⁸Jani hia Jambri nyie Mosa füi apüile laikya ningle ibu khünakbuechu otsingtsing zan to kale. Ibu khünakbu a khüzi füi mwot chimokkyabu ilaxle ma mongong ma tho chilünkyabu changle.

⁹Ikoxlechu hwom chemnule atsai to paotsuak angkya le münchang, chemthüikoxle hwom otukuxkya ongatbu hex noke ngün ang ataküi. Jani hia Jambri nyi tochu ile wüi changpu.

¹⁰Ikoxle nang tsün ma, ku hwon-nwot, ku zanglom, üntoxle ku mongtex tole hüidaoa; nange ku mongong, ku mongkün, ku adukya.

¹¹Ku zothupkya ilaxle ku sikngünkyabu ngünle laxdaoa. Antiok, Ikoniam hia Lastrabu to kue adule hüikya zothup pangwüi nange awanpu! Ikoxlechu ibu chak tokya Jowanpa-e ku khosünle koppu.

¹²Jowanpa Jisu Khrista füikya notom ma Zang womkya tsün ngose atsutsu pangnusae zothupkya apong angkya jao changle;

¹³üntoxle chisu chimüikya khünakbu tamchu othai hwon anokyabu zia süma sümale maüi; ile hwome mixdyen-mixnganle tamchu ma alüile dyenle changüi.

¹⁴Ikoxle nange a, nang hama apua daokya tamchu nang mongong shingmongle tüikya otsingtsing ma thuithui le ngolax. Nang zongto nwotmixbu opang changkya hex nange awan ngopu,

¹⁵ilaxle nang naosa ma tüitanto wüi, nange Otsao Lai awanle hüipu, chempange nang ang Khrista Jisu to mongongkya makhange atak angkya khosün hato zun ang je-hwon fa ang thopuix, ibu ma akhax akhün le thompu.

¹⁶Otsao Lai kax pangwüi Zang zakmüt changpu; ibu a otsingtsing anwot-ano ang, thaikya to sa ang, achaxkya achang ang ilaxle sukya tsün ngo angkya bama adangle fakya, ibu hanpakma laxli changle;

¹⁷ikoxletix Zang thothakya mix asukya ang achangüi ilaxle müikya mwot pangwüi mok ang zongmo apongle changüi.