Read Wancho Naga Ibri 2 Bible Online

Ibri 2 - Wancho Naga bible

Ibri 2

¹Ikhoma keme atatle hüidaokyabu otsingtsing to shingmongle künkop angkya changle, ikoxtix kem tswonle münpaoüi.

²Kaxtaimixbue kem pupabu ang fakya kaxho a otsingtsing changpu le ahodaoa, ilaxle opange ija chitoüihex chichangba kax ma chilaxle tüiüi hex, chixe kopüi.

³Ikoxlechu ipong chongkya khosün bama mong chikoxba kem azangtsuak angchami? Ija khosün pongwang ma Zang chixjaoe apuk, üntoxle chix kax to apakyabu kem ang ija otsing changpu le ahole.

⁴Tamchu jojüikya ohünotün mokle ahokya üntoxle chix küntsu monglua ma hwom ang chasa hinghobu ahanle koxkya, ibu makhange Zange hwom ma tüikya ibu to bole chix kaxkhi fale.

⁵Keme chaxwannu oja mo wünpuix: hüiüi tüikya ija chaxwan hozün to apün angkya hanpakma Zange kaxtaimixbu chidan.

⁶Itülüi, Otsao Lai ojongjong ma akaxkya lailaile: “O Zang, nange chix tuitex tang, khünak a owa chang; muakya mix, nange chix apu-achang tang a?

⁷Nange chix noxtakya hanpakma, kaxtaimixbu füi süfang ma zing; nange chix ang fuazang tamchu, achuak achen chaza sünle kox;

⁸ilaxle jamok thakma apün angkya mix ang achang.” Zange: “khünak jamok thakma apün angkya mix ang achang”, le thüile; ija ma tsaotha le pangnu li womle tüile. Ikoxchu tix khünake pangnu thakma apün-adakya keme münngün.

⁹Ikoxlechu Jisu, owa noxtakya hanpak bama, Zange kaxtaimixbu süfang le zingkya keme ngünpuix, ija a Zang chingcha makhange chix nok hanpakma zi angkya hanpakmale changle. Chixe zikya sikngün apongle hüidaokya khoma athax a keme chix fuazang hia achuak achenkya khohom sün laxle ngün ang kople.

¹⁰Chix fuazang süntswon ma hak angkya chixsu chixsabu huanuma apüi angkya kuxmale, sikngün akaile lekya makhange Jisu a nguiwangkya ang achang angkya a, jamok zik üntoxle ibu sünle thomkya, Zang hanpakma, ile mok angkya tix sukya ang achang. Chemthüikoxle khosün hato hwom zunle apüi angkya a Jisu tix wüi changle.

¹¹Chix khünaknu hwom ochaxbu tokya atsao, üntoxle chixchu tamchu opang atsao-atha daolaxpuix ibu pangnu ang Hopa tuita wüi chang. Ikhoma hwom ang chix tüinaohom le nyak ang Jisu chiazak.

¹²Chixe Zang ang thüi: “Nange chem mokdaopuix, ija kue tüinao hwom hama wünüi; hwom tusox ma kue nang achuaküi.”

¹³Chixe ilechu wüi thüi: “Kue ku mongong Zang ma thomüi.” Chixe ilechu thüile, “Zange ku ang fakya chixsu chixsabu füi ku ikhama tüile.”

¹⁴Zangsu Zangsabu le chixe nyakkya a müi-hi-aji daile, Jisu chix jao hwom lailaile achang üntoxle khünak jaopo ahanle lax. Chix zikya makhange zik thakma apünkya baoli thu angkya hanpakmale chixe ija mok.

¹⁵Ile zik thua zakya tokhange da ang achangle ngokyabu pangnu chixe khangkho angai.

¹⁶Idaile chixe asunkya a kaxtaimixbu to münchangle atsingsho. Itülüi Otsao Lai kax ningle: “Chixe Abraham sixli to asun.”

¹⁷Ile thüikoxle Zang mwottho thakya ma hwom zong to mongong tüikya hia chingchae awangkya Nguakho ang achang angkya kuxma, pangnu lom ma wüi chix a chixtüi chix-nao hwom lailaile achang angkya changle, ikoxle tix khünaknue ochax thailak ataküi.

¹⁸Üntoxle athax a chixe thwontsing apongkyabu to asun ang thoüi, chemthüikoxle chix jaojaoe thwontsing tamchu sikngün apong daokya changkoxle.