Read Wancho Naga Ibri 4 Bible Online

Ibri 4 - Wancho Naga bible

Ibri 4

¹Athax a, chixe akaxdaokya ija nazak atak angkya kaxtsao Zange kem ang koxle tüile. Hünzom khama ija kaxtsao nazak chikople owawa naktüi le kem pangwüi likhün hax.

²Chemthüikoxle hwome mokdaokya lailaile keme Kaxho Müikya atatdaoa. Hwome kaxho atat, ikoxle ijae hwom to müikya chemchu chimok, chemthüikoxle otue hwome ija atat laxpuix, izuma hwome Ija mongong makhange pongle chikop.

³Kem opange onglaxpuix, Zange tsao daokya ija nazak keme kople. Ija a chixe akaxkya ija lailaile, “Ku ang mongma, ilaxle kaxshing kople ija tsaosax: ‘Hwom ang nazak koxse chaxwan to, hwom otuechu nop ang müntom!’” Chaxwannu zingpong tokhange chix mwot ashukdao koxlechu chixe ija akax;

⁴chemthüikoxle Otsao Lai ojongjong ma ija a nyix anüt bama wünle: “Nyix anüt lükya to chix mwot pangnu tokya Zang nazak.”

⁵Ija kax anaolechu wüi akax: “Hwom ang kue nazak fase lükya chaxwan to hwom otuechu nop ang müntom.”

⁶Kaxho Müikya pongwang ole atatkyabu thome Ija nazak pongle chikop, chemthüikoxle hwome chiong. Ofüima ija pongle lax ang koxkya mamabu tüihule.

⁷Ija a Zange mama nyix thüikoxle “Anyix” lükya hanpak chix chak ma laxkya otsingtsing makhange ija ahole. Obi obi zangpua füima, Otsao Lai ma zale hüidaokya ija bama Dawid makhange akax, “Anyix hünzome Zang kax jangatatba, hünzom ang mong taxkhüi.”

⁸Zange tsaokya nazak Jihusua-e khünaknu ang koxdaokya jangchang thüiba, mama nyix bama Zange ofüima münakax ngose.

⁹Akaxle thomkya ningle, Zang khünaknu hanpakma nyix anüt lükya to Zang nazakkya lailaile nazak athaxchu tüile.

¹⁰Chemthüikoxle Zang kaxtsao nazak atakkya mix, chix mwot tokya Zang nazakkya lailaile ma mwot tokya nazak ataküi.

¹¹Idaile ija nazak kop angkya kuxma kem pange wüi otsuaktsuak ma azonghax, ile jangchang thüikoxle mongong chitüikya khoma hwome chikopkya lailaile ija nazak chikopkya mix kem khama owachu müntüiüi.

¹²Zang kax a ozün ma üntoxle mwot mokle, pangnyichi anaxkya changlo füi ngaxchu sütsexle tüile. Ijae chamua hia chasa apongkya kha, chizit chakzit hia zizao apongkya kha, ibu pangnu apatle hütle. Ijae khünak tutex hia mongjang bama kaxfün fale.

¹³Zang pomtho ma pyenle thomtho angkya chemchu müntüi; zingkya oli pangwüi chix miksho ma alaile hia ngaitho le tüile. Üntoxle kem pange wüi ma bama akiak-azyakkya chix ang kox angkya changpu.

¹⁴Athaxpi kem ang zangkangting akai daokya Nguakho tuita, Jisu Khrista, Zang Hosa tüikya daile, keme ngaile tsaokya mongong ma shingmongle ngohax.

¹⁵Chemthüikoxle kem-sho kem-naikya to chingcha chitüikya mix chichangle, kem ang, pangnu lom ma wüi kem lailaile thwontsing apong, ikoxlechu ochax chilyenkya Nguakho tuita tüipu.

¹⁶Fong mix lomle tüipongma, keme chingcha hia jaja füi fongkya atak tsuak angkya kuxma, kempi chix chongwang ngwotnui hato mongao chitüile ngui