Read Wancho Naga Ibri 7 Bible Online

Ibri 7 - Wancho Naga bible

Ibri 7

¹Ija Melkizedek a Salem nok wanghom Taitax Zang Nguapa changkya. Wanghom ali to lütlaxle Abraham chatkya zuma Melkizedek apong ilaxle chix to mohiman,

²üntoxle Abrahame chixe kopkya kha angkya bün ma othom tuita Melkizedek ang kox. (Melkizedek le pongwang ma “Otsao ma sukya wanghom”, le thüikya tsyen changle; tamchu chix a Salem wanghom changkoxle, chix münchu wüi “Mongsom wanghom”, le thüikya tsyen changle).

³Melkizedek ang hopa chichangba honu chichangba chix putong owawa mo wünle bangkya kha müntüi; chix puxkya tamchu zikya mo wünkya khachu müntüi; chix a tuita Zang Hosa lailaile; chix oshuk chitüi le nguakho ang ngo.

⁴Jangchangba chix obukux chongpuix, hünzome hule anohu. Abraham, kem putonge, zan ma chixe kopkya kha angkya bün ma othom tuita chix ang kox.

⁵Üntoxle Liwi sixli hwom opang zommix-zangmixbu changpuix, Wanlome hwom ang, hwom manok tomtom tamchu Abraham sixli tomtom changkoxlechu, Israel khünaknu angkya bün ma othom tuita sai angkya Wanlome hwom tom.

⁶Melkizedek a Liwi sixli chichang ikoxlechu owae Zang kaxtsaobu koplaxpuix, ija Abraham angkya chixe bün ma othom tuita saile lax üntoxle chix to mohiman.

⁷Mohiman a owae koplaxpuix ija mix füi fakya mix wüi achongkya changpu, ija to kem mongao müntüi.

⁸Jehudi nok zommix-zangmixbu, ziün angkyabu changkoxlechu, hwome bün ma othom tuita sai ang kop; ikoxle Otsao Lai ma akax ngokya lailaile Melkizedek tuita chizi chimax angkya mixe bün ma othom tuita kop.

⁹Liwi (Jehudi nok zommix-zangmixbu putong, nok angkya süi kople ngokya mix tuita), chixe ngaxchu wüi Abraham makhange Melkizedek ang bün ma othom tuita koxkya wünle.

¹⁰Chemthüikoxle ipongma Liwi a mapux mapai, ikoxlechu, wünhax jangthüiba, Abrahame Melkizedek apong pongma chix a chix putong Abraham pum-tsa ma tüitan.

¹¹Israel khünaknu ang wanlom a liwibue mokle hüikya zomzang chifün ang laxlaxletix koxkya changle. Athax liwibue mokle hüikya zomzang okhonguikya jangchang thüikoxle, Arun chichang homtoxle Melkizedek mantswon angkya mama malili nguapa ngaile lai angkya chem mwot chitüise.

¹²Chemthüikoxle nguapa oli jangthu thüikoxle wanlomchu wüi lüi angkya oli.

¹³Üntoxle kem Jowanpa, owa bama ibu zangwün tüipuix, chix majat malili tokya changle, ilaxle hwomli hwomkan kha angkya owaechu zomzang twonle münbang.

¹⁴Chix a Jehudi jat-li homkha ma puxkya changpu le awan ngopu; üntoxle zommix-zangmixbu mo wünkya zuma Mosa-e ija jat-li mo bwomle chiwün.

¹⁵Ija zangwün sisile tsaothathale changüna; Melkizedek ningkya nguapa mama laiüna.

¹⁶Chix a nguapa ang khünak wanlom ma tamchu wanlom tanlaxle achangkya chichang, ikoxle tamchiashuk toxkya khüzün zong makhange achangkya changle.

¹⁷Chemthüikoxle Otsao Lai-e thüile, “Melkizedek mantswonkya olom ma, nang othuithuima nguapa ang ngo angkya changle.”

¹⁸Shonaile tamchu mwot to thaple chitüikya khoma ozang wanlom a tsyaktox daoa.

¹⁹Chemthüikoxle Mosa wanlom makhange chemchu angui awangle zing ang chitho, üntoxle athax a Zang hato kem soxle hüitsuak angkya sümüikya monghom fale tüile.

²⁰Ito bole, Zange tsaosaxkyachu tüile. Ami pupa hwom zommix-zangmix ang zingpong ma iningkya tsao otuechu chisax.

²¹Ikoxle otue Zange “Zange tsao saxle üntoxle ija achatle münlaxüi; Nang a jento nguapa le ngoüi” le tsaosaxkya makhange Jisu a Nguapa ang achangle.

²²Zang tsaosüt ija tüikya khoma ija ozün tamchu sümüi le zingle dankya olom ma jento tholünkya tüi angkya bama Khrista-e kaxshing fa ang thoüi.

²³Hozang wanlom zile paokya füi tomle, mama mix hwom mantswonle mok ang hüikyabue ija mwotlom twonle pao ang naxtho ang, pongtai ang, ozang wanlom tokya nguapabu tüihukya.

²⁴Ikoxlechu Jisu a othuithuima ngole hüi, üntoxle chix nguapa mwot owawa angchu ataile chifa.

²⁵Idaile, athaxchu üntoxle jento, chix makhange Zang hato hüikyabu sün ang chixe tsuakle tüile, chemthüikoxle hwom hanpakma ju ang chix jento Zang füi tomle ngopu.

²⁶Ikhoma Jisu a kem laxli pangwüi anguile fa angkya Nguakho changle. Chix a otsao; chix ma thaikya chichangba ochax chemchu müntüi, chix a ochaxbu füi atsaile süi thomkya tamchu zangkho thak to nwonle thomkya changle.

²⁷Chix a mama Nguakhobu ningle chichang; nyixfokya to chixe pongwang ma khünaknu ochaxbu hanpakma üntoxle ifüima chix hanpakmale tö koxngo angkya chix hanpakma chem mwot chitüi. Chixe ma alüile koxkya zuma, pangnu hanpakma tamfang ma wüi tö koxdaoa.

²⁸Mosa Wanlom tokhange Nguakhobu ang nguiwangle chitüikya khünakbu zün; ikoxlechu Zang tsaosüt Tsaotsüt füi zing; ijae wanlom füima hüilaxle Hosa kamle kop. Chixe chix othuithuima nguiwangkya ang achang.