Read Wancho Naga Ibri 9 Bible Online

Ibri 9 - Wancho Naga bible

Ibri 9

¹Pongwang angkya Tsaotsüt ma zangshwom angkya wanlombu tanle tüile üntoxle khünak chak füi zingkya zangshwom nui tüile.

²Otsao Nui le nyakkya, otok to ngünkya Nyihom tüikya. Ija ma wüntik dannui üntoxle Zang ang fakya an füi tsap tuita tüikya.

³Atsyenkya nyi anyi lükya nuakfüi ma Ataxkya Otsao Nui le nyakkya Nyihom tüikya.

⁴Ikhama ongan müikya so zok ang hun tsap tüikya manna füi hun suk, osong chui füikya Arun kaithox üntoxle Tsaotsüt zale tüikya hun füi zingkya Tsaotsüt suak tüikya.

⁵Zang womle tüikya aho ang ija suak okho ma ozang füikya müi tüikya. Ochax thailak kox nui to ibue hwom ozangbu füi o-le thom. Ikoxchu athax a ibu komkaile akhix akhanle wün angkya hanpak münchang.

⁶Ibu achwon athakya ija ningle chang. Nguapabu nyixfole hwom zomzing ang homtho angkya Nyihom ma ngui,

⁷ikoxle omong angkya Nyihom to Nguakho zanglao mong ma tam wüi nop. Chitsinglaxle khünaknue achaxkya bama tamchu chix hanpakmale Zang ang tö fakya aji koplaxle chix nop.

⁸Ibu acha achwonkya pangnu makhange, kotho angkya Nyihom ajongle tüikya kople Ataxkya Otsao Nui hato ngui angkya lom madaple Otsao Chasa makhange tsaotha le anwot-ano.

⁹Ija a athax pongkya din-pan to hile ahokya changle. Thüikoxle tö koxkya hia Zang ang müi tö koxkyabue Zang shwomkyabu kün-mong nguiwangkya ang münachang,

¹⁰chem ang hwome ibu sütling, üntoxle sole atsaokya malom-malom zom tokhange mok angkya changkoxle. Ibu a Zange lomzün tanle mahüi tanto saxmok angkya ko to ngünkya wanlombu lanlan.

¹¹Ikoxle ikhama tüikya müikya olibu hanpak ang Khrista Nguakho ang nguidaoa. Chixe thothakya Nyihom a süchongkya tamchu okhonguikya changle; ija khünak chakzing münchang, thüikoxle ija a zingle alai daokya chaxwannu angkya münchang.

¹²Otue Khrista ija Nyihom to ngui üntoxle tamfangma tamchu nok hanpakma Atax le Tsaokya Nui to dongpuix, chixe tö kox ang zwon üntoxle maihu ajibu chikop; itülüi, chixe ma aji kop üntoxle kem hanpakma oshuk chitüikya khosün atak.

¹³Zwon hia maihubu aji üntoxle maihu zokle ashunkya wünjuak a müi-hi-aji ma chitsaokyabu to fule, üntoxle ijae hwom müi-hi-aji ma chitsaokya atsaole.

¹⁴Khrista aji makhange tomning ija mwot otukux tsuakle hüipuix! Oshuk chitüikya chasa makhange chixe alüile ma nguiwangkya Zang ang tö kox. Ile keme ozün Zang thotha angkya kuxmale, chixe aji mwot to chihüikya zomchax tokya kem khangkho angaile faüi.

¹⁵Ija khoma, Zange nyak daokyabue Zange tsao daokya oshuk chitüikya mantswon kop angkya kuxma, hozün Tsaotsüt acha achwonkya mix a tuita Khrista changle, chemthüikoxle pongwang angkya Tsaotsüt fangma achax daokya ochaxbu tokhange hwom khosün angkya kuxmale chix zi.

¹⁶Ojongkha ma Tsaotsüt tüilaxpuix, ija zingkya mix zi angkya a olom jao changpu,

¹⁷chemthüikoxle ija zingpupa ozün ma ngotanto Tsaotsüt chem mwot angchu münchang, chix zikox tix ija mwot to hüiüi.

¹⁸Ija khoma pongwang angkya Tsaotsüt ngaxchu aji makhange tix tanle hüipu.

¹⁹Pongwang ma, Wanlom ma tüikya ningle Mosa-e noknusa hato kaxtombu pangnu apuk. Ifüima chixe maihupongbu hia zwonbu aji lax, ija ti füi awon, üntoxle akhix daokya chun mun hia haisop okangsabu füi Wanlom Laipex to tamchu khünaknu to sak.

²⁰Chixe thüi: “Kax ma laxle thom angkya hanpakma Zange hünzom ang fakya Tsaotsüt aji a ija changpu.”

²¹Ija lailaile wüi Mosa-e Otsao Nyihom tamchu zangshwom pongma lax-twonkya mwot-kat pangnu to aji füi sak.

²²Changle, Wanlom ma tüipupule pangnuli wüi aji makhange tix atsaole, ilaxle aji ajenkya chitüi homtoxle ochax thailak fakya müntüi.

²³Zangkangting tokya ningle opyen zingkya ang achangkya pangnu li wüi ija zom makhange tix atsao angkya changle. Ikoxchu zangkangting mwot-katbu zongma sisi sümüikya tö lax angkya changle.

²⁴Chemthüikoxle, Khrista a, tuita otsingtsing tüikya opyen zinglaxle khünak chak makhange zingkya Otsao Nui to paokya chichang. Chix zangkangting jao to dong, ojong khato athax chix kem khülüix ma Zang füi womle tüilaxpuix.

²⁵Jehudi nok Nguakho, zanglao to Ataxkya Otsao Nui to müi aji füi dongkya lailaile Khrista chix tomtata tö kox ang chidong,

²⁶chichang thüiba chaxwannu zingpong tokhange wüi obi thomthom ma hexle chixe sikngün apongse. Itülüi, athax tsün hia hanpak oshuk hato nguile hüiponge, chix alüile tö koxkya tokhange ochax awüt ang, tamfangma tamchu nok hanpakma chix ngaile ahodaoa.

²⁷Tam a pangnusasa wüi zi angkya changle üntoxle ifüima Zange kaxfün faüi.

²⁸Ija lailaile khünaknu ochaxbu laxlax tox angkya hanpakma Khrista chuwüi tam tokya ma kox. Anyi lükya ma chix ngaiüi, ikoxlechu ochax füikya mwot bama münchang, ikoxle opange chix tanle ngolaxpuix, hwom khosün angkya hanpakma changüi. A