Read Wancho Naga 1 Juhan 1 Bible Online

1 Juhan 1 - Wancho Naga bible

1 Juhan 1

¹Owang tokhange wüi tüikya khüzün kax bama kwome hünzom hato zale ngo. Kwome ija atatpu, üntoxle kwome ija kwom mik füi ngünpu; changle, kwome ija ngündaoa, üntoxle kwom chak füi Ija to twondaoa.

²Otue ija khüzün ngün ang tsuak le chang, kwome ija ngünpu; idaile kwome ija bama akaxpu üntoxle Hopa füi tomle tüikya oshuk chitüikya khüzün oja kwom ang awan ang tompuix ija mo kwome hünzom hama wünpu.

³Hopa hia Hosa Jisu Khrista nyi füikya kwom motom ma hünzomchu naxwom le kwome ngünkya hia atatkya hünzom angchu tsing ang tompu.

⁴Kwom mongmüi okho angui angkya kuxmale kwome ija laiza zale ngopu.

⁵Hosa makhange kwome atatle laxkya hünzom ang tsingang tomkya kaxho a ija: Zang a zangngai, ilaxle chix ma zangnak ojao müntüi.

⁶Ikoxle, keme chix füi notom ma ngopule thüilaxle zangnak khato jangngo thüiba, kem a kax hia mwot monyi ma thaikya ang achangpu.

⁷Ikoxle chix chemle zangngai ma tüipuix ilailaile kemchu wüi zangngai ma jangngo thüiba kem tata füi notom ma ngopu, üntoxle chix Hosa Jisu aji makhange ochax pangnu tokya kem tsao ang tomle.

⁸Keme kem ma ochax müntüile jangthüiba keme ma alüile dyenkya changpu, ilaxle kem ma otsingtsing müntüi.

⁹Ikoxlechu keme ma ochax Zang pomtho ma jangngaiba, chixe chix kaxtsao thomüi ilaxle chem supuix ija moküi: Chixe kem ochaxbu thailak faüi üntoxle thaikya mwot pangnu tokhange kem tsaotha ang tomüi.

¹⁰Mae ochax malyen le keme jangthüiba, keme Zange kaxthai zangwünkya ang achangpu, ilaxle chix kax kem ma müntüi.