Read Wancho Naga Kaxfünpa-Hwom 10 Bible Online

Kaxfünpa-Hwom 10 - Wancho Naga bible

Kaxfünpa-Hwom 10

¹Abimelek zile pao füima Tulah sasün Puah, Dodo hosu, Israel nok khosün ang ngui. Chix a Isakar homjen angkya, Efraim haxhua tokya Shamir nok ma ngokya.

²Chix a Israel nok ma lompa ang zanglao 23 jao ngo. Ifüima chix zile pao ilaxle Shamir ma akhün.

³Tola füima Gilid nok angkya Jair ngui. Chixe Israel nok zanglao 22 azüi.

⁴Chix ang sasün hwom 30 tüikya; hwom a mantsak 30 kho ma aham. Hwom ang Gilid nok ma tingnu 30 tüikya. Ibu ang anyix kople Jair nok le nyakle.

⁵Jair zi ilaxle Kamon ma akhün.

⁶Bal hia Astartebu to shwomkya makhange, tam chuwüi Siria nok, Sidon nok, Moab nok, Amon nok, hia Filistia nok, ibue shwomkya baozangbu to shwomle changkya makhange Israel nokbue JOWANPA zongto ochaxbu lyenle chang. Hwome JOWANPA danle tox ilaxle chix to shwomkya zak.

⁷Ikhoma JOWANPA ang Israel nokbu füi mongtsik, ilaxle Filistia nok hia Amon nokbu ang hwom to tingtakle chang ang tom.

⁸Zanglao 18 hanpakma ibue Gilid angkya Amor nok Jordan Shuanu zongma handünchi ma ngole tüikya Israel nokbu to sikngün-zothuple ngo ang tom.

⁹Judah, Benjamin, hia Efraim ibu jat-libu füi azan ang Amor nokbu a Jordan Shuanu akaile jao ngui. Ikhoma Israel nokbu a huanu khosam ma tüikya.

¹⁰Ifüimatix Israel nokbue JOWANPA füi akax: “Kwome nang zongto ochax lyenhudaoa, chemthüikoxle kwome kwom Zang, nang danle toxpu, ilaxle Bal hwom to mix shwompu.”

¹¹JOWANPAe hwom kax to ile lan: “Ijip nokbu, Amor nokbu, Amon nokbu, Filistia nokbu,

¹²Sidon nokbu, Amalek nokbu, ilaxle Maon nokbu, ibue thochima hünzom to zothuple changpu, ilaxle hünzom ku hato sople nguipu. Ipongma kue ibu chak tokya hünzom khosünle münkop daimi?

¹³Ikoxle chuwüi hünzome ku danle toxpu ilaxle mama baozangbu to shwom ang sütpu, idaile athaxpi kue hünzom kho münsün ngoüi.

¹⁴Hünzome zünle kopkya baozangbu hato sople nguilax. Hünzome thangnak apong pongma hwome hünzom khosünle naxchangfa.”

¹⁵Ikoxlechu Israel noke JOWANPA ang thüi: “Kwome ochax lyendaoa. Nange chemle mokse tsupuix ile moklax, ikoxlechu chingchalaxle anyix a kwom khosünfa.”

¹⁶Ikhoma hwome mixnok baozang ibu danle tox ilaxle JOWANPA to shwom; ilaxle Israel nok sikngün bama chix mongto kak.

¹⁷Ifüima Amon nok süpahibue azan ang achwonle Gilid ma pomzai laxle athong. Israel khünaknu jongta khama athüt ilaxle Gilid angkya Mizpah ma pom zaile athong.

¹⁸Ikhama Israel nok khünaknu hia lompabue tata ma ile atüi: “Amon nok füi azan angkya owae azuiüi? Owae ija zanhok thothutle changlaxüihex chix tix wüi Gilid nok pangwüi lompa ang changüi.”