Read Wancho Naga Jud 1 Bible Online

Jud 1 - Wancho Naga bible

Jud 1

¹Jisu Khrista wangshem tamchu Jakop sasün Jud tokhange, Zang Hopa ma nyakle kopkyabu tamchu mong akünkyabu, opang Jisu Khrista ma sünle thompuix, ibu hato.

²Chingcha jaja, mongsom üntoxle mongkün ziakho nguile hünzom hanpak ang naxchang kox.

³Ku mongkün tüinaohom, kue hünzom hato kem tom khosün bama zasele tüle mongtsule ngopongma, mongong oja tamfangma owüiole otsaobu ang koxdao laxpuix, ija mongong hanpakma hünzome zongbakle azong angkya kue hünzom hato zongsaile za angkya laile.

⁴Chemthüikoxle opang oma laiua bama Otsao Lai ma zale tüipuix, hwom züizüi hünzom khato zuile nopngoüna. Hwom a, kem Zang chingcha hwom müi-hi-aji mwot ang laxkyabu tamchu kem khüthak Jowanpa tuita wüi tüikya Jisu Khrista pongle chikopkya, Zang chilax homle ngokyabu changle.

⁵Hünzome ibu bakle tsingle ngole, ikoxlechu: tam a Jowanpa-e Israel khünakbu Ijip nok chak tokya khosün, ikoxlechu ofüima, chixe opange chiongpuix hwom amüt, ija bama kue hünzom mongto texle atak ang tomse tsule.

⁶Kaxtaimixbu opang hwom ang fakya wankam ma chingo homle hwom ngwotnui danle toxpuix, ibu texle ataklax; Zange hwom koplaxle fangchi zangnaknu khato, hwom kaxfün angkya achongkya Nyix tan ang khale thomle.

⁷Ilailaile Sodom hia Gomorah tamchu akhople tüikya tingshobu, ojapange kaxtaimixbu ningle ma alüile chinunchakkai mwot to koxpuix ilaxle chimok angkya oli mwot mokle tüipuix, hwome oshuk chitüikya wün ma sikngün apongkyae apyen angkya aho, ibu texle atalax.

⁸Ija lailaile, ojae hwom tsangtsa zongto ochax ang achang ang tompuix, hwome ija wünmang ngünle; hwome Zange apün-adakya chilax üntoxle thakto fuazangle tüikyabu ahai.

⁹Kaxtaimixbu khama akhokya Maikel-e ngaxchu ile chimok. Mosa mang ma atinle bao füi ahe pongma ngaxchu Maikel-e chix adix-adale chichang ikoxle “Nang to Zange wüi naxsakox”, le tata thüi.

¹⁰Ikoxle ibu khünake hwome ngaxchu chitsingkyabu ang kaxma thüi üntoxle hwontüi jezai le chichangkya müibu ningle, pangnu li hwome jaopo makhange awanle laxle ilaxle ibue hwom amütle.

¹¹Hwom a maxsax! Hwome Kain man to. Ngun hanpakma hexle hwom alüile Balam thaikya othai chak to kox. Hwome Korah ningle alün-aloxle ajong, ilaxle chix lailaile hwom amüt.

¹²Hünzom fongsüt ma thünzak chitüikya ibu a tuita zamake lyetle amakya ningle changle. Hwome küithole hwom mo alüile wünwüi. Hwom a, zangwat ang chikox homtoxle zangwine jeple aham thomkya zangfwombu changle. Ziaktue ngaxchu chiziakkya, otsing makhange hedaokya tamchu owüiole zidaokya pün a hwom changle.

¹³Ti mwop ningle hwom thünzak ngaile ahokya, tüle zongkya tinu tichap hwom changle. Zange opang hanpakma zukya zangnaknu khato ngwotnui achwonle thompuix, samle aham ngokya lyettsibu a hwom changle.

¹⁴Adam makhange tangthole hüikya sixli sutai anüt lükya a Inok changle. Chixe ija aje: “Zang chilax homtoxle ngokyabue mokkya mwot oma tamchu Zang zongto hwom tsaima-kaxshixkyabu pangwüi hato kaxfünkya hia thajao wünhai apüi ang,

¹⁵chix otsao kaxtaimixbu huanuma laxlaxle Jowanpa nguiüi!”

¹⁶Ibu khünakbu a jento kax ma alatlanle tamchu mixmo omale wünkyabu changle; hwom a ma ochax küntsu monglua füito azuile; hwome ma bama alüile tsaichong-kaxbongle tüile; ilaxle hwome ma lomtang kop angkya kuxma mix loplüi füt ang tomle.

¹⁷Kutüi kunaohom, ami ledaokya ma hünzom füi kem Jowanpa Jisu Khrista wangshembue chemle wündao laxpuix, ibu mong ma koplax.

¹⁸Athax hanpak oshuk ma hünzom thajao wünhai angkya tamchu texle chiatakkya hwom mongtex füito azuikya khünakbu lai angkya kax hwome hünzom hama akaxdaoa.

¹⁹Khünaknu opange tufan-luazüi ang tompuix, opang mong hwom jaopoe akumathum laxle thompuix, opang ma chasa chitüipuix, ibu a hwom changle.

²⁰Ikoxlechu kutüi-kunaohom, hünzom a, ataxle tsaokya mongong ma ma alüile tsakzong ang tomhüi. Otsao Chasa tsakzong ma zangjop kox,

²¹ilaxle chix chingcha ma hünzom ang kox angkya oshuk chitüikya khüzün bama hünzome kem Jowanpa Jisu Khrista tanle nui pongma, hünzome ma alüile Zang mongkün ma thomhüi.

²²Monge anakyabu hato chingcha ahokox;

²³wün khatokya bele alaile mix khosün kox; ilaxle zakya füi awonle mix ang chingcha ahokox, ikoxlechu hwom ochax mikzalokya füi lyetle ama daokya hwom nyiza thua anulax.

²⁴Owae hünzom düt ang thüikya kople thom ang tho, tamchu thaikya chemchu chitüile üntoxle mongmüi pwonla le, fuazangkya chix ngwotnui to hünzom apüi ang tho, chix ang,

²⁵thüikoxle Zang tuita kem khosünpa ang, kem Jowanpa Jisu Khrista makhange, fuazangkya, achuak achenkya, tsakzong üntoxle apün-adakya, ami kaitokhange, athaxchu üntoxlechu oshuk tamchitüitox le naxchang! Amen.