Read Wancho Naga Mikngün-Ohün 12 Bible Online

Mikngün-Ohün 12 - Wancho Naga bible

Mikngün-Ohün 12

¹Ifüima tüle khompua atsikkya mowanbu ding to lai. Zanghan a zapua ang lax ilaxle lyetnu a she chifa fang to thom üntoxle lyettsi bün anyi füikya khohom sünle, le mixcha tuita tüikya.

²She-e nao ngünüi khakha, üntoxle naongün wok kakkyae she tüle akhong.

³Chatlechu ding to khomatsikkya mama mowan tülai. Khisumkya tamchu tüle chongkya okhang anüt füikya, ozang bün tüikya üntoxle okhang ma tyale khohom sünle, le dragon tuita lai.

⁴Lyettsibu othom azom ma ahankya thom tuita chix müikua füi linle ahüilaxle ding tokya chaxwannu to tswonle awüt. Puxle adütkya füi shemle nao sax angkya hanpakmale chix a ija mixcha thüntho ma ajong.

⁵Ifüima she-e lükasa tuita puxle alai. Ija nao a chaxwannu pangnu thakma jan kaithox füi apün angkya mix ang achang. Ikoxlechu ija nao a Zang hia chix chongwang tüntong hato tswonle apüi.

⁶Ija mixcha a hwome she to humele nyix 1, 260 thom angkya hanpakma Zange achwonle tüikya nui, ija faokha to paole she azün.

⁷Ifüima zangkangting to zan lai. Maikel hia chix kaxtaimixbu dragon füi azan; dragonechu chix kaxtaimixbu laxlaxle hwom füi azan;

⁸ikoxlechu dragon to lüt, ilaxle chix hia chix füikya kaxtaimixbu zangkangting to ngo ang chitom.

⁹Ija tüle chongkya dragon, owa chaxwannu pangwüi dyenkya ozang pu changpuix, tamchu owa ang Bao chichangba Haxshix le nyak, chix üntoxle chix füi tüikya kaxtaimixbu komle chaxwannu to tswonle awüt.

¹⁰Ifüima zangkangting to, “Athaxpi Zang khosün hüidaoa! Athaxpi Zange chix chongwangpa changpu le zong ahodoa! Athaxpi chix Messaiah-e, apün-adakya chix zong ahodaoa! Zang thüntho ma ajong laxle, kemtüi kemnao hwom ma; zangnak zangngai to, kaxhux fengokya mix; zangkangting tokya, tswonle awütdaoa.

¹¹Chun Hosa aji ibomachu, hwome apukkya otsingtsing füi, kemtüi kemnao hwome, chix to anaodaoa; üntoxle zi angkya kople hwome, ma tsün to aküile chitüi.

¹²Idaile zangkangting tamchu, opang ikhato ngolaxpuix, pangwüi mongmüilax! Ikoxchu chaxwan hia tinu hanpakma, tüle chongkya hama tüile! Bao a hünzom hato nguile tüile, chix a mongtsike awangle tüile, chix ang hanpak moxkya ngünlaxle”, le azaxle akhongkya ozing kue atat.

¹³Otue ija dragone chix chaxwannu to tswonle awütkya awanle hüi, ijama chixe lükasa puxle alaikya mixcha achua ang süt.

¹⁴Dragon zansing chak tokya she paole azang tho angkya hanpakma, zanglao azom boma lyetkua azok hwome she to humele thom angkya nui, ija faokha to pile nguitsuak angkya kuxma she ang chongkya ola lanu ozang anyi kox.

¹⁵Ifüima ija mixcha füima azuile, she chwotle pao angkya hanpakma dragone chix wikha angkya tüle chongkya tichen alai.

¹⁶Ikoxlechu chaxwannue ija mixcha to fong. Chaxwannue ma wikha aka ilaxle dragon wikha makhange laikya tichen komle jok.

¹⁷Ija mixcha füi dragon ang tüle mongtsik dong, ilaxle Jisu makhange angaikya otsingtsing ma mongong shingmong laxle Zang kaxtombu kax ma laxle tüikya, she sixli, füi achax-azan ang pao.

¹⁸Ija dragon shinthuk tinu kax ma ajong.