Read Wancho Naga Mikngün-Ohün 15 Bible Online

Mikngün-Ohün 15 - Wancho Naga bible

Mikngün-Ohün 15

¹Ifüima kue ding to tüle chongkya tamchu khom atsikkya tuita ngün. Ikhama kaxtaimix anüt thama lianüt füi tüikya. Ibu thama a oshuk okia, chemthüikoxle ibu a Zang mongtsik ahokya oshuk lükyabu changle.

²Ifüima wün füi awon zawan tinu tuita ningle kue ngün. Müi hia ija chapa owa mün lüix to huake twonle tüipuix, ibu to lütdaokyabuchu kue ngün. Hwom a ija zawan tinu kax ma ajongle tüikya; hwom a hwome Zang ang fakya thuaput waxmaibu füi tüikya.

³Ilaxle hwome Zang da Mosa tsai tamchu Chun Hosa tsai ile ngao: “Jowanpa Khüthak Zang, nang mwotthobu chemle chong, üntoxle khomtsile tüipuix! Pangnu haxtok, ting-nok wanghom, nang lomtang chemle changle, üntoxle sule tüipuix!

⁴Jowanpa, nang thua chiza tamchu, fuazang chiachuak le owa tüi? Otsao nang tata wüi. Pangting jahax nguilaxle, nang tong shwomüi; sukya nang chak-mwot, pangnusae ngün ang kopkoxle.”

⁵Ifüima Zang womle tüikya nyihom füi, zangkangting zangshwom hom ka dapkya kue ngün.

⁶Jikjepkya nyitse awunlaxle üntoxle chix thünkhux akhople hun züpak füi khakdao le, thama lianüt füikya kaxtaimix anüt Ija zangshwom-hom angkya laikya kue ngün.

⁷Ifüima ozün ma tüikya müi ali kha angkya tuitae kaxtaimix anüt ang hun pe anüt kox. Ibu pe a othuithuima ngokya Zang mongtsike awang le tüikya.

⁸Ilaxle kaxtaimix anüte laxlaxle apüikya thama anüt ashukle mahüi tanto zangshwom-hom to Zang fuazang hia tsakzong wünkhute joxle thomüi.