Read Wancho Naga Mikngün-Ohün 2 Bible Online

Mikngün-Ohün 2 - Wancho Naga bible

Mikngün-Ohün 2

¹“Efisia ma tüikya müimüithom kaxtaimix hato zalax: “Ija kaxho a, lyettsi anüt tsaxchi chak ma koplaxle hun wüntik dannui khato ahamle ngokya mix tokhange hüikya changle.

²Nange chem tsuakdaopuix ija kue awan ngole; nange chemle azong mokdaopuix üntoxle chemle adule hüidaopuix ibu kue awan ngole. Nange ochax khünakbu füi adu ang chithokya üntoxle changjao chichang khato hwomchu wangshembu changpu le akaxkyabu to nange chemle wanle anopuix ilaxle nange chemle hwom othaibu changle le lop ang thopuix, ibu pangnu kue awan ngole.

³Nange tüle adudaoa, nange ku hanpakma sikngün aponghudaoa, ilaxle nange danle chitox.

⁴Ikoxlechu nang ang kue thüipu: Ami owang pongkya ningle nange ku to mongkünkya müntüi.

⁵Nang otukux atsaile dütünpuix ajangle anohu! Nang ochaxbu tokya chatlax ilaxle owang pongkya ningle sax-mok lax. Ma ochaxbu tokya nang chichat thüiningle, ku nang hato nguiüi ilaxle thomnui angkya nang wüntik dannui laxlax toxüi.

⁶Nikola hwom mwot to kue anukya tukuxle nangechu anu angkya kax a tüile.

⁷“Na azaizaie müimüithombu füi chasae wünkya zangwün to apalax! “Zang tsawat khama nyemle tüikya khüzün pün angkya oziak, opange tholün daolaxpuix, kue hwom ang sax ang tomüi.

⁸“Smarna ma tüikya müimüithom kaxtaimix hato zalax: “Ija kaxho a, owa Alfa hia Omega changpuix, owa zi üntoxle ozün ma tüipuix, chix tokhange hüikya changle.

⁹Kue nang tingtuibu awanpu; nang zasa changle le kue awanle, ikoxlechu otsing tomtata ma nang a hakpa tuita! Changjao chichang khato hwom Jehudi nok changpu le akaxkyabu thome nang ang kaxma thüikyabu kue awanle; hwom a baochi ma hakkya othom changle!

¹⁰Nang sikngün angkya tüikya chem bamachu nang zakya taxtüi. Apalax! Hünzom züizüi kun to shokya füi baoe hünzom to thwontsingkya tüiüi, ilaxle hünzom sikngün nyixbün ngoüi. Zi angkya changkoxchu wüi ku to mongong tüilax, ikoxle hünzome tholünkya hingho ang hünzom ang kue khüzün koxüi.

¹¹“Na azaizaie müimüithombu füi chasae wünkya zangwün apalax! “Opange tholün laxpuix, hwom to zike tamchatle sikngün fa ang müntho.

¹²“Pargama ma tüikya müimüithom kaxtaimix hato zalax: “Ija kaxho a nongnong-naxkya changlo owa ma tüipuix, chix tokhange hüikya changle.

¹³Haxshix wanghom ngwotnui tüikya khato nang ngokya kue awanle. Haxshix ngwotnui to, kue tüle ongle tüikya Antipas lang pongma ngaxchu nange ku to ongkya danle chitox, ikoxle nang a ku zongto sule ngo.

¹⁴Ikoxlechu nang füi wün angkya zangwün hidaole tüile: Balam hwon-nwot füito azuikyabu hünzom khama züizüi tüile. Israel khünaknu ang chapa ang koxdaokya süt sax ang tom angkya hia chinunchakkaile tüi angkya mwot mok ang tom angkya bama Balak hama anwot-ano le fakya mixsün a Balam changkya.

¹⁵Ilailaile athaxchu hünzom khama Nikola hwom hwon-nwot füito azuikya khünakbu tüihule.

¹⁶Athaxpi ochaxbu tokya chatlax! Chichat thüiningle ku nang hato chwonle wüi nguiüi ilaxle ibu khünakbu füi ku wikha makhange laikya changlo koplaxle azanüi.

¹⁷“Na zaikyabue, müimüithombu füi chasae chem akaxpuix, ija apalax! “Zan lütkyabu ang kue khomle thomkya mana koxüi. Chatlechu kue hwom ang long tsetsekya koxüi. Ija ma mün hozün zale tüile, Ija a pongle kopkya mix boma owaechu awan ang müntho.

¹⁸“Thaitira ma tüikya müimüithom angkya kaxtaimix hato zalax: “Ija kaxho a mik wün lailaile üntoxle cha fwotle atsyet thomkya khop lailaile tüikya Zang Hosa tokhange hüikya changle.

¹⁹Nange chem mokpuix kue awan ngole. Nang mongkün, nang mongong, nange thothakya, nange adukya ibu pangwüi kue awanpu. Owang pongkya füichu nange athax ponge wüi süchongle mokle, ija kue awanpu.

²⁰Ikoxlechu kue nang füi ija akaxpu: Owae ma alüile Zang kaxho mix changpu le thüipuix, ija mixcha Jezebel füi nange adu. Ku dabue chinunchakkai mwot mokkya tamchu chapabu ang koxdaokya süt saxkya a she hwon-nwot changle.

²¹Kue she ang ochaxbu tokya mongchat ang hanpak fadaoa, ikoxle ibu müi-hi-aji mwot tokya she chatse le chitsu.

²²Ikhoma she füi chinunchakkai mwot mokdaokyabu füi tomle tüle sikngün apong angkya lyading to kue she tswonle awütüi. Hwome she füi saxmokkya chinunchakkai mwotbu tokhange mong chatle mahüi mahüile athax kue ija moküi.

²³She füito azuikyabuchu wüi kue langüi, ifüima tix ku a pangnusa küntex mongjang awankya mix changpu le müimüithombue awan ang kopüi. Owae chemle mokdaopuix ima thütle kue hünzom pangnu ang omün achatle faüi.

²⁴“Ikoxlechu Taithira nok ma ota tamtüikyabu hünzome ija ochax hwon-nwot man chito; oja ang mamabue ‘zule tüikya bao huxsa mwot’ le nyak Ija hünzome awanle chikop. Kue hünzom ang thüipu: Kue hünzom ang mama hünlix chemchu münfa.

²⁵Ikoxle hünzom ma chem tüipuix ija to ku mahüi mahüile shingmongle künlax ngo angkya changle.

²⁶Opange zan to lütpuix, opange ku mongtex mwot, oshuk kople mokle hüipuix, Kue hwom ang chaxwanbu, apün angkya tsakzong koxüi;

²⁷tamchu ibu hax tikkuxbu ningle, chietle akhix angkya hanpakma, jan kaithox koxüi.

²⁸Ibu a hwom ang chaxwannu apün-awang angkya kuxmale Zange koxkya tsakzong ang changüi. Chatlechu kue hwom ang swomsa lyettsi koxüi.

²⁹“Na zaikyabue, chasae müimüithombu füi chemle akaxpuix ija to apalax!