Read Wancho Naga Mikngün-Ohün 4 Bible Online

Mikngün-Ohün 4 - Wancho Naga bible

Mikngün-Ohün 4

¹Izuma kue mama mikngün-ohün kop üntoxle zangkangting to ka daplaxle fülom tuita ngün. Üntoxle nyazong ozing lailaile kaxzing tuita, oja ku füi akaxkya ami pongma kue atatdao laxpuix, chixe thüi: “Ikhato donglax üntoxle ifüima chemle chang angkya hex ija kue nang hama ahofang.”

²Allele chasae ku awang. Zangkangting ikhato owawa thungdao le chongwang tüntong tuita tüikya.

³Chix thünza a thalix long Jaspar hia Karnel long lailaile nyanle tüikya. Mikngün ma tüle hat le tüikya nomlong tuitae ija chongwang ngwotnui akhop laxle tüikya.

⁴Ija chongwang tüntong akhople mama tüntongbuchu wüi tsa ali tüikya. Ibu ma tsa ali tüichong mixmüibu nyitse awunlaxle hun khohom asünsün le thungle tüikya.

⁵Chongwang tüntong makhange zangchang ajepkyae nyankya, kaxzing tamchu zang adungkyabu lai. Chongwang tüntong ija thüntho ma wünnyan thop anüt chuale tüikya, ija a Zang Chasabu anüt changkya.

⁶Tamchu ija tüntong thüntho ma zawan tinu ningle tsaothakya tuita tüikya. Chongwang tüntong akhople, üntoxle tüntong pangnu chikao ma, thüntho hia tokfüi pangnyichi mike awang laxle tüikya müibu tüikya.

⁷Pongwang angkya müi a mailang lailaile tüikya; anyi lükya a maihupong lailaile tüikya; azom lükya a khünak thünza lailaile othün füi tüikya; ilaxle ali lükya a pile ngokya ola lailaile tüikya.

⁸Ibu ozün ma tüikya müi pangnu ang wüi ozang azok pong tüikya, üntoxle ibu a, omong tochu otok tochu mik füi awang le tüikya. Zangnak zangngai hwome ija ngaokya chizak: “Otsao, otsao, Otsao, Opunu khüthak Zang; Owa tüikyahex, tuipuix, üntoxle tüi angkya hex.”

⁹Üntoxle ozün ma tüikya müibue chongwang tüntong ma thungle tüikya mix, owa oshuk chitüitox le ngopuix, chix ang otuechu fuazangkya hia achuak achenkya tamchu münchong fale changüihex,

¹⁰ipongma mixmüi tüichong hwom tsa ali chongwang tüntong ma thungle tüikya mix thüntho ma chikux athongle ilaxle owa oshuk tamchitüitox le ngopuix chix shwom; hwome chongwang tüntong thüntho ma hwom khohombu suk üntoxle tsai ngao:

¹¹Kwom hopunu Jowanpa tamchu Zang ang, fuazang münchong hia tsakzong, kop ang nang asule tüile; pangnu li wüi nange zing koxle; ilaxle nang mongtex matix ibu, pangnu ozün ma