Read Wancho Naga Mikngün-Ohün 6 Bible Online

Mikngün-Ohün 6 - Wancho Naga bible

Mikngün-Ohün 6

¹Ifüima Chun Hosae shin tople tüikya anüt kha angkya pongwang angkya shintop dapkya kue ngün, ilaxle ozün ma tüikya müi alie “Oman!”, le zangdung büta ozing alaile akaxkya kue atat.

²Kue hukoxle man-tho tuita ngün. Ija man khoma ngale tüikya mixsün chak ma hapnu tuita tüikya, ilaxle chix ang khohom asünle kox. Chix zankat naomüi ningle zan to ka ang lai.

³Ifüima Chun Hosae shintop anyi lükya dap; üntoxle ozün ma tüikya müi anyi lükyae: “Oman!”, le sekya ozing kue atat.

⁴Man mama man-khi tuita lai. Ija mankho ma ngale tüikya mixsün ang, khünak tata alang ahuakle chaxwannu ma zan alai angkya kox. Chix ang chongkya changlo tuita atwon.

⁵Ifüima Chun Hosae azom lükya shintop dap; ilaxle ozün ma tüikya müi azom lükyae: “Oman!”, le sekya ozing kue atat. Kue hukoxle ikhama man-nak tuita tüikya. Ija mankho ma ngale tüikya mixsün chak ma thüt angkya tuak twonlaxle tüikya.

⁶Ozün ma tüikya müi ali tokhange laikya ozing ningle kue atat. Ija kaxzinge thüi: “Wonglai tsax khiata nyixtakya hingchak mün ang, ilaxle barle tsax tuak azom nyixtakya hingchak mün ang. Ikoxle Olip pün hia grep haxtokbu taxama!”

⁷Ifüima Chun Hosae ali lükya shintop dap; ilaxle ozün ma tüikya müi ali lükyae: “Oman!”, le sekya zing kue atat.

⁸Kue hukoxle huishokya man tuita tüikya. Ija mankho ma ngakya mix ang Omang le amün, üntoxle haolum a chix füito azui. Achax-azankya, otui-onuak, okak-olak üntoxle müima nyaxshix, ibu füi lang ang tomle, chaxwannu othom ali ma ahankya thom tuita thakma apün-ada angkya zong kox.

⁹Ifüima Chun Hosae aga lükya shintop dap. Tötsap fangwok kaoma Zang kax apukkya hia kaxkhi fakya ma mongong shingmong tüikya khoma langkya khünakbu chasa kue ngün.

¹⁰Hwome azaxle akhong: “Khüthak Jowanpa, Otsao üntoxle Otsingtsing! Kwom langkya khoma chaxwannu angkya khünaknu kaxfün angkya tamchu sikangün angkya athaxchu otukux omüi?”

¹¹Hwom pangnu ang wüi tsekya nyiza tupong kox, üntoxle zuikhui thothat mixbu üntoxlechu hwom tüinaohom hwom ningle lang angkya hwom mixhuak akiak angkya okho mangui-manguile noxtasa dangjajale ngo angkya hwom füi akax.

¹²Ifüima Chun Hosae azok lükya shintop dapkya kue ngün. Tüle tüle zongle bütix si, nakkya müimun nyi ningle zanghan nakle pao, lyetnu komkaile aji ningle achang

¹³üntoxle zangwine alox pongma, zangwa ma ziakkya fupsa ziak dütkya ningle ding angkya lyettsibu punle hax to düt.

¹⁴Laikhao atünkya ningle zangding atünle paosam üntoxle haxnu hia shuazobu ma ngwotnui angkya achex.

¹⁵Üntoxle chaxwannu wanghombu, apün-adakyabu, süpahi tüichongbu, ahak aluakyabu hia tsakzong füikyabu ilaxle mamabuchu wüi, dabu üntoxle panle tüikyabu, malailai to, longlua hia haxnu longkun fang to azwon ang süt.

¹⁶Hwome haxnubu hia longnubu nyakle akhong: “Chongwang thüntho ma thungkya mix hia Chun Hosa thoto kwom khom ang kwom ding to düthüi!

¹⁷Chemthüikoxle hwom mongtsik chongkya nyix hüile ngole, üntoxle ija mongtsik thüntho ma ajong ngo ang owae thoüi?”