Read Wancho Naga 1 Samuel 19 Bible Online

1 Samuel 19 - Wancho Naga bible

1 Samuel 19

¹Sol-e sasün Jonathan hia chix nguakax-wangkho hwom hama chixe Dawid lang ang tungkya bakle wün. Ikoxlechu Jonathan-e Dawid to tüle akhüix,

²ikhoma chixe Dawid ang thüi: “Apa-e nang lang ang tungle ngole. Ngainop swomsae mik-hingle ngolax; nang ojongjong khato azwonle ngolax.

³Nang azwonle ngokya haxtok ma nguilaxle ku apa hama tomwüi ajongüi, ilaxle kue chix hama nang bama wünüi. Kue tütali atakle jangchang kue nang hama wünhüi.”

⁴Jonathan-e hopa pomtho ma Dawid achuakle akax: “Apa, nang dapa Dawid to nange oma chemchu taxmok. Chixe nang zongto thaikya chemchu mamok, itülüi thüikox, chixe chempang mokdaolaxpuix ibu pangwüi nang to fongkya tuita ang changwüi.

⁵Goliath langpongma chixe chix tsün koxle azanpu, ilaxle Israel hanpakma JOWANPAe ija zan lütpu. Ija ngün-pongma nang ang mong huanuma müikya; jangchangthüiba, athax a, kaxfyet chemngax chitüi khato, chem oma chitüikya khünak tuita lang ang nange büthüikoxle tungle ngopu?”

⁶Jonathan zangwün atatlaxle Sol mongto changkox-a le thüt ilaxle Dawid a münlangpule JOWANPA mün ma tsaosax.

⁷Ikhoma Jonathan-e Dawid se ilaxle pangwüi wünle kox; ifüima chixe Dawid a wanghompa hato apüi, ilaxle amipongkya lailaile chixe wanghompa thothale ngo.

⁸Filistia nok füi anao chuwüi azan angkya lai. Dawid-e hwom to sing ilaxle bakle lütle hwom afütle apao.

⁹Nyixta JOWANPA tokhange ahüikya haxshix chasae Sol to kop. Chix a chak ma pax koplaxle hom ma thungle tüikya, ikoxle ikhama Dawid a chix klingkingkong angaole tüikya.

¹⁰Sol-e chix paxlo füi Dawid a katuk füi adangle tople lang ang tung, ikoxlechu Dawid-e shanle alyet. Dawid-e shanle alyetkya pax katuk ma myen. Dawid a zikle paole azang.

¹¹Ija jaja wüi Dawid hom to zyetle ngolaxle ngainop ningle chix lang angkya khünakbu tsanle apao. Mikal, Dawid kakonue chix to kaxkhün koxle akax: “Nang a ajaja wüi chipao thüiningle ngainop a nang mang ang achangle bangüi.”

¹²She-e chix a thangmik makhange ajo, ilaxle Dawid a zikle paole azang.

¹³Ifüima she-e hom ma tüikya chapa laxlaxle ija lya ma dan, ilaxle zwonmun füi zingkya khangtyet ma ate ilaxle ija to chwople tox.

¹⁴Chemtue Sol khünakbue Dawid kop ang nguipuix, Mikal-e hwom ang chix a kakle tüile le wün.

¹⁵Ikoxlechu Sol-e hwom mik füi jaojao Dawid ngünle tox ang anaole chuwüi hu ang apao. Chixe hwom ang thüi: “Chix a ikhato chix jiple ngokya lya ma paile apüihüi.”

¹⁶Hwom hommong to dongle hukya thoma, zwonmun füi zingkya khangtyet ma khang atedaole lyading ma chapa ajiple bang.

¹⁷Sol-e Mikal ma atüi: “Nange ku mix dyen ilaxle ku zanpa mix a paole azang ang tomle büthüikoxle hwonpu?” She-e lan: “Chix paole azang angkya bama kue chix to chifong thüiningle ku langüile chixe ku azale.”

¹⁸Dawid paolaxle Ramah to Samuel hato ngui ilaxle Sol-e chix to hwonkyabu komkaile wünle kox. Ifüima Samuel hokhi jaojao Naioth to paole ikhato ngo.

¹⁹Ramah angkya Naioth ma Dawid tüikya Sol hama wünle kox,

²⁰ikhoma chix kople apüi ang chixe khünakbu tomle apao. Akhongle azüizüithale lengokya ajebu othom hwome ngünle lax. Hwom khama lompa ang Samuel tüikya. Ifüima Zang chasae Sol khünakbu kop ilaxle hwom chuwüi azüizüithale akhong ang süt.

²¹Sol-e ija atatlaxle, chixe kaxhomixbu süluile akat, ikoxle hwom chuwüi akhongle shwon ang süt. Chixe othom azom lükya kaxhomixbu akat, ikoxle hwom chuwüi owang pongkyabu ningle chang ang süt.

²²Ifüima chix jaojao Ramah to ka ang lai. Chemtue chix Seku ma chongkya tüküi tuita hato hüipuix, chixe Samuel hia Dawid hwom ojongto tüipuixle atüi ilaxle ibue chix hama hwom a Naioth to tüikya apuale kox.

²³Chix ikhato nguile tüipongma Zang chasae chix tochu kop, ilaxle Naioth lomnu fole chixchu azüizüithale akhongle hüi.

²⁴Samuel tunthoma chixe ma nyi-za siklaxle azüizüithale akhong, ilaxle ija nyix hia ija chix a nyi-za chilax homtoxle ojunplo ma ngo. (Imakhange ija a wanwünkax tuita ang achang: “Sol ngaxchu wüi ajepa ang achang pi?”)