Read Waray Samarenyo Meaning Based Genesis 36 Bible Online

Genesis 36 - Waray Samarenyo Meaning Based bible

Genesis 36

¹Amo ini an mga tulin ni Esau nga gintawag liwat nga Edom.

²Nangasawa hi Esau hin kababayen-an nga Canaanhon; hira Ada nga anak ni Elon nga Hiteohanon; Oholibama nga anak ni Ana nga anak nga lalake[93] ni Zibeon nga Hibeohanon;

³ug Basemat nga anak nga babaye ni Ismael, ngan bugto ni Nebaiot.

⁴Nag-anak hi Ada kan Elifas; nag-anak hi Basemat kan Reuel;

⁵ngan nag-anak hi Oholibama kanda Jeus, Jalam, ug Core. Natawo ini ngatanan nga mga anak nga kalalaken-an ni Esau didto han tuna han Canaan.

⁶Niyan gindara ni Esau an iya kaasaw-an, an iya nga anak nga kalalaken-an, an iya mga anak nga kababayen-an, ngan an ngatanan nga mga tawo han iya balay, upod an ngatanan niya nga mga baka ngan ngatanan nga mga manggad nga iya naangkon didto ha tuna han Canaan, ngan pinmahirayo hiya tikang kan Jacob nga iya bugto ngadto hin lain nga tuna.

⁷Linmakat hiya kay diri na man nakakaakos hin pagbuhi ha ira an tuna nga gin-uokyan nira ngan hi Jacob. Damo na hin duro an ira mga baka ngan makuri na gud hira magkatampo.

⁸Sanglit nag-ukoy hi Esau didto han sagkahon nga tuna han Edom.

⁹Amo ini an mga tulin ni Esau nga ginikanan han mga Edomitanhon.

¹⁰Igin-anak nira Esau ug Ada nga iya asawa in usa nga lalake nga hi Elifas, ngan nag-anak hi Elifas hin lima nga mga anak nga kalalaken-an; hira Teman, Omar, Sefo, Gatam, ug Kenaz. Ngan pinaagi hin lain nga asawa nga hi Timna nag-anak pa hiya hin usa nga anak nga lalake nga hi Amalec. Igin-anak nira Basemat ug Esau in usa nga lalake nga hi Reuel, ngan nag-anak hi Reuel hin upat nga kalalaken-an: hira Nahat, Sera, Sama, ug Miza.

¹⁴Igin-anak nira Esau ug Oholibama nga babaye nga anak ni Ana nga anak[94] ni Zibeon, in tulo nga kalalaken-an: hira Jeus, Jalam, ug Core.

¹⁵Amo ini an mga tribo nga tinmikang kan Esau. Hi Elifas nga suhag nga lalake ni Esau amo an ginikanan han nasunod nga mga tribo: nira Teman, Omar, Sefo, Kenaz,

¹⁶Core, Gatam, ug Amalec. Mga tulin ini ngatanan ni Ada nga asawa ni Esau.

¹⁷Hi Reuel nga anak ni Esau amo an ginikanan han nasunod nga mga tribo: nira Nahat, Sera, Sama, ug Masa. Mga tulin ini ngatanan ni Basemat nga asawa ni Esau.

¹⁸Tinmikang kan Esau an nasunod nga mga tribo pinaagi kan Oholibama nga iya asawa nga anak ni Ana: nira Jeus, Jalam, ug Core.

¹⁹Tinmikang kan Esau ini ngatanan nga mga tribo.

²⁰Nagkabahinbahin an tungayod gud nga mga umurokoy ha tuna han Edom ngadto hin mga tribo kanay mga ginikanan tinmikang han nasunod nga mga tulin ni Seir nga usa nga Heritanhon: hira Lotan, Sobal, Zibeon, Ana, Dison, Eser, ug Disan.

²²Hi Lotan amo an ginikanan han mga banay nira Hadi ug Homam. (May-ada hi Lotan usa nga bugto nga babaye nga ginngaranan nga Timna.)

²³Amo hi Sobal an ginikanan han mga banay nira Alvan, Manahat, Ebal, Sefo, ug Onam.

²⁴May-ada hi Zibeon duha nga anak nga kalalaken-an: hira Aya ug Ana. (Amo ini an Ana nga nakaagi han mapaso nga mga burabod didto ha kamingawan han nagmamangno hiya han mga asno han iya amay.)

²⁵Amo hi Ana an amay ni Dison nga amo an ginikanan han mga banay nira Hamran, Esban, Itran, ug Queran. May-ada liwat babaye nga anak hi Ana, nga ginngaranan nga Oholibama.

²⁷Hi Eser amo an ginikanan han mga banay nira Bilhan, Saavan ug Jacan.

²⁸Hi Disan amo an ginikanan han mga banay nira Hus ug Aran.

²⁹Amo ini an Horitanhon nga mga tribo didto ha tuna han Edom: nira Lotan, Sobal, Zibeon, Ana, Dison, Eser, ug Disan.

³¹Han waray pa mga hadi didto ha Israel, naghadi na hin sunodsunod didto ha tuna han Edom an nasunod nga kahadian: Hi Bela nga anak ni Beor nga taga-Dinhaba, hi Jobab nga anak ni Sera nga taga-Bosrahi Husam nga tikang ha katunaan han Teman, hi Adad nga anak hi Bedad nga taga-Abit (gindaog niya an mga Midianhon didto hin usa nga pag-awayan didto han nasod han Moab), hi Samla nga taga-Masreca, hi Saul nga taga-Rehobot-ha-ligid-han-Saloghi Balanan nga anak ni Acborhi Adad nga taga-Pau (hi Mehetabel an iya asawa nga anak ni Matred ug apo ni Mesahab).

⁴⁰Amo hi Esau an ginikanan han nasunod nga mga tribo nga Edomitanhon: nira Timna, Alva, Jetet, Oholibama, Ela, Pinon, Kenas, Timan, Mibsar, Magdiel, ug Iram. Isinangay han ngaran han tribo an mga ngaran han dapit nga gin-ukyan han tagsa hini nga mga tribo.