Read Waray Samarenyo Meaning Based 1 Cronicas 2 Bible Online

1 Cronicas 2 - Waray Samarenyo Meaning Based bible

1 Cronicas 2

¹Inin masunod amo an mga anak ni Jacob: Ruben, Simeon, Levi, Juda, Isacar, Zabulon,

²Dan, Jose, Benjamin, Neftali, Gad, ug Aser.

³An mga anak ni Juda amo inin masunod: Er, Onan, ug Sela. An ira iroy amo hi Sua nga taga-Canaan. Hi Er, an timagurangi nga iya anak uraura hin kamaraogdaog, sanglit ginpatay hiya han GINOO.

⁴May-ada pa hi Juda duha nga anak: hira Peres ug Sera ngan an ira iroy amo hi Tamar nga umagad ni Juda.

⁵Hi Peres may-ada duha nga anak: hira Hesron ug Hamul.

⁶Hi Sera nga iya bugto may-ada lima nga mga anak: hira Simri, Etan, Reman, Calcal, ug Darda.

⁷Hi Carmi usa han mga sumusunod ni Sera may-ada anak nga hi Acan[2] nga nakahatag hin dako nga kasamok ha mga tawo han Israel pinaagi hin pagpasipara hin mga butang nga iginhalad ngadto han GINOO.

⁸Hi Etan may-ada usa nga anak nga amo hi Asarias.

⁹Hi Hesron may-ada tulo nga mga anak: hira Jerameel, Ram, ug Caleb.

¹⁰Amo ini an mga sunodsunod nga ginikanan tikang kan Ram ngadto kan Isai: Ram, Amminadab, Naason (kilala nga tawo han tribo ni Juda),

¹¹Salmon, Boos,

¹²Obed, ug Isai.

¹³Hi Isai may-ada pito nga mga anak. Tikang han timagurangi amo inin pagkasunodsunod: Eliab, Abinadab, Sama,

¹⁴Netanael, Radai,

¹⁵Asom, ug David.

¹⁶May-ada nira duha nga bugto nga babaye: hira Seruia ug Abigail. Tulo an mga anak ni Seruia: hira Abisai, Joab, ug Asahel.

¹⁷Hi Amasa amo an anak ni Abigail ngan an amay ni Amasa amo hi Jeter, usa nga Ismaelita.

¹⁸May-ada anak hi Hesron. Hi Caleb an iya ngaran ngan an iya asawa amo hi Asuba; may-ada nira anak nga babaye, hi Jeriot. An iba niya[3] nga mga anak amo hira Jaser, Sobab, ug Ardon.

¹⁹Han kamatay ni Asuba, nangasawa hi Caleb kan Efrata ug may-ada hira usa nga anak nga amo hi Hur.

²⁰Hi Uri amo an anak ni Hur ug hi Besaleel amo an iya apo.

²¹Han 60 na an panuigon ni Hesron, gin-asawa niya an anak ni Maquir, nga bugto nga babaye ni Galaad. May-ada nira anak nga an ngaran hi Segub

²²ngan ini hi Segub may-ada liwat anak nga hi Jair. Nagmangulo[4] hi Jair hin 23 nga mga syudad didto han tuna ni Galaad.

²³Kundi an mga ginhadian nira Gesur ug Aram nakabihag hin 60 nga mga bungto didto, lakip an mga baryo ni Jair ug Kenat ngan han mga higrani nga bungto. An ngatanan nga tawo nga naukoy didto mga tulin ni Maquir, an amay ni Galaad.

²⁴Han kamatay ni Hesron, gin-asawa ni Caleb nga iya anak, hi Efrata nga asawa han iya amay.[5] Nag-anak hira kan Asur nga amay ni Tecoa.

²⁵Hi Jerameel, an timagurangi nga anak ni Hesron, may-ada lima nga mga anak: hi Ram, an timagurangi, hi Buna, hi Aram, hi Asom, ug hi Ahias.

²⁶May-ada tulo nga mga anak hi Ram: hira Maas, Jamin, ug Eker. May-ada lain nga asawa hi Jerameel; an ngaran hini nga babaye amo hi Atara. Hiya an iroy ni Onam.

²⁷

²⁸Hi Onam may-ada duha nga anak: hira Samai ug Jada. Hi Samai may-ada liwat duha nga anak: hira Nadab ug Abisur.

²⁹Gin-asawa ni Abisur hi Abigail ngan may-ada nira duha nga anak: hira Aban ug Molid.

³⁰Hi Nadab nga bugto ni Abisur may-ada duha nga anak: hira Saled ug Afaim, kundi namatay hi Saled nga waray mga anak.

³¹Hi Afaim amo an amay ni Jesi, ug hi Jesi amo an amay ni Sesan. Hi Sesan amo an amay ni Alai.

³²Hi Jada, an bugto ni Samai, may-ada duha nga anak: hira Jeter ug Jonatan, kundi namatay hi Jeter nga waray mga anak.

³³May-ada duha nga anak hi Jonatan: hira Petel ug Sisa. Ini hira ngatanan mga tulin ni Jerameel.

³⁴Waray anak nga lalake hi Sesan, ubos la mga babaye. May-ada ni Sesan usa nga oripon nga Ehiptohanon, hi Joraa,

³⁵ngan iginpaasawa ini hiya han usa nga anak nga babaye niya. Nag-anak ini hira kan Atai.

³⁶An sunodsunod nga mga ginikanan tikang kan Atai ngadto kan Elisama amo inin masunod: Atai, Natan, Sabad, Eplal, Obed, Jehu, Asarias, Heles, Elasa, Sisamoi, Selum, Jecamias ug Elisama.

⁴⁰

⁴²Hi Mesa amo an timagurangi nga anak ni Caleb nga bugto ni Jerameel. Hi Mesa amo an amay ni Sif. Hi Sif amo an amay ni Maresa ug ini hi Maresa amo an amay ni Hebron.[6]

⁴³Hi Hebron may-ada upat nga anak: hira Cora, Tafua, Rekem, ug Sama.

⁴⁴Hi Sama amo an amay ni Raham ug apo ni Jorkiam. Hi Rekem, nga bugto ni Sama, amo an amay ni Samai

⁴⁵nga amay ni Maon ngan ini hi Maon amo an amay ni Betsur.

⁴⁶Hi Caleb may-ada aruasawa nga an ngaran hi Efa. May-ada hira nga duha mga anak: hira Haran, Mosa, ug Gazes. Ini hi Haran may-ada liwat anak nga an ngaran hi Gazes. (

⁴⁷May-ada tawo nga an ngaran hi Hadai ngan ini nga tawo may-ada unom nga anak: hira Regem, Joatan, Gesan, Pelet, Efa, ug Saaf.)

⁴⁸May-ada liwat lain nga aruasawa hi Caleb, hi Maaca, ngan may-ada nira duha nga anak: hira Saber ug Terhana.

⁴⁹Nag-anak pa ini hiya hin duha: hi Saaf nga amay ni Madmana ug hi Seba nga amay ni Maobeda ug ni Gabaa. May-ada pa ni Caleb usa nga anak nga babaye, hi Acsa.

⁵⁰Amo ini an mga tulin pa ni Caleb. Hi Hur amo an timagurangi nga anak nira Caleb ug Efrata. Nag-anak hi Hur kan Sobal nga amay ni Kiriat Jearim;

⁵¹kan Salma nga amay ni Betlehem ug kan Haref nga amay ni Betgader.

⁵²Hi Sobal amo an nagtindog han syudad han Jearim ngan hiya an ginikanan han mga tawo han Haroe, ug katunga han molupyo han Menuhot,

⁵³ug han mga banay nga nag-ukoy didto ha bungto han Jearim: an mga Itrihanon, Putihanon, Sumatihanon, ug mga Misrahanon. (An mga tawo han mga syudad han Sora ug Estaol mga sakop ini hira hini nga mga banay.)

⁵⁴Hi Salma amo an nagtukod han Betlehem; hiya an ginikanan han mga tawo han Netofat, Atrobetihoab, ug an katunga han mga Manahatnon nga amo an mga Sorihanon. (

⁵⁵Inin masunod amo an mga banay han mga magsusurat nga nag-ukoy didto ha Jabes: an mga Tiratihanon, Simeatihanon, ug mga Sucatihanon. Mga Kenihanon ini hira nga nakig-aragsawa han mga Recabihanon.)