Read Waray Samarenyo Meaning Based 1 Cronicas 5 Bible Online

1 Cronicas 5 - Waray Samarenyo Meaning Based bible

1 Cronicas 5

¹Amo ini an mga tulin ni Ruben, an timagurangi nga anak ni Jacob. (Tungod kay nakighilawas hi Ruben han usa han aruasawa han iya amay, kinuha ha iya an katungod han ka suhag nga anak ngan iginhatag kan Jose.

²Kundi an tribo ni Juda amo an labi ka gamhanan kay amo an naghatag hin pangulo para han ngatanan nga tribo.)

³Hi Ruben, an timagurangi han mga anak ni Jacob, may-ada upat nga anak: hira Hanoc, Falu, Hesron, ug Carmi.

⁴Amo ini an pagkasunodsunod han mga tulin tikang kan Joel: Samia, Gog, Simei, Mica, Reja, Baal, ug Beera. Hi Beera ginbihag ni Hadi Tiglatpiliser ngan ginhalin hiya. Hi Beera amo an pangulo han mga tulin ni Ruben.

⁷Amo ini an mga pangulo han banay ha panahon ni Ruben: hira Jeiel, Zacarias,

⁸ug Bela nga anak ni Azaz ngan apo ni Sama han banay ni Joel. Didto pag-ukoy ini nga banay ha Aroer ngan tubtob ha Nebo, ha amihanan nga dapit ug ha Beelmeon.

⁹Damo an ira panon hin kahayopan didto ha tuna han Galaad, sanglit inmukoy hira ha tuna ha sinirangan nga dapit han kamingawan nga namamarapara ngadto ha Eufrates nga salog.

¹⁰Ha panahon ni Hadi Saul, ginsulong han tribo ni Ruben an mga tulin ni Agar ngan ira ini pinamatay ha pag-awayan. Gin-ukyan nira an tuna ha sinirangan nga dapit han Galaad.

¹¹An tribo ni Gad nag-ukoy ha amihanan nga dapit han tuna ni Ruben, didto han tuna han Basan tubtob ngadto ha sinirangan nga dapit han Selca.

¹²Hi Joel an pangulo hini nga mag-uruna nga banay ug hi Safan, han ikaduha nga banay. Hira Janai ug Safat mga pangulo liwat hin lain nga mga banay han Basan.

¹³An iba nga mga kaapi han tulin nasasakop hinin masunod nga mga banay: Micael, Mosulam, Sebe, Jorai, Jacan, Zia, ug Eber. Pito hira ngatanan nga banay.

¹⁴Mga tulin hira ni Abihael nga anak ni Hori kanay mga ginikanan amo inin masunod: Jara, Galaad, Micael, Jesesai, Hedo, ug Bus.

¹⁵Hi Ahi, nga anak ni Abdiel ngan apo ni Guni amo an pangulo hini nga mga banay.

¹⁶Didto hira pag-ukoy ha tuna han Basan ug Galaad, didto han mga bungto hini nga katunaan ngan didto han panabsaban nga tuna han Saron. (

¹⁷Ginhipos ini nga mga sinurat ha panahon ni Hadi Jotam han Juda ug ni Hadi Jeroboam han Israel.)

¹⁸Dida han mga tribo nira Ruben, Gad, ug Manases ha sinirangan may-ada 44,760 nga mga sondalo nga batid hin paggamit hin mga taming, espada, ug pana.

¹⁹Nakig-away hira kontra han mga tribo ni Agar, Itor, Napis, ug Nodab.

²⁰Sinmarig hira han Dyos, nag-ampo hira pangaro hin bulig ngan pinamatian hira han Dyos. Nakadaog hira kontra han tribo ni Agar ug han iya mga kasagabay.

²¹Nabihag nira in 50,000 nga kamelyo, 250,000 nga karnero, 2,000 nga asno, ngan 100,000 nga mga sondalo.

²²Damo an ira ginpatay nga ira mga kaaway tungod kay pagbuot man han Dyos adto nga ira pakig-away. Ngan nagpadayon hira hin pag-ukoy didto hito nga tuna tubtob han paghalina[15] ha ira.

²³An mga tawo ha Sinirangan Manases nag-ukoy didto ha tuna han Basan tubtob ha Baalhermon, Sanir ngan Bukid Hermon ngan nagdamo hira kaupay.

²⁴Inin masunod amo an mga pangulo han ira mga banay: hira Efer, Hisi, Eliel, Ezriel, Jeremias, Odoias, ug Hediel. Mga bantugan ini hira nga pangulo han ira mga banay.

²⁵Kundi an mga tawo waray magmatinumanon ha Dyos han ira mga ginikanan ngan ira ginsalikway. Nagsingba hira han mga kadiyosan han mga nasod nga ginpaiwas han Dyos.

²⁶Sanglit gintugotan han Dyos hi Emperador Pul han Asiria (kinikilala liwat nga Tiglatpiliser) hin pagsulong han ira tuna. Ginhalin an mga tribo ni Ruben, Gad, ngan an ha Sinirangan Manases ngan gindara hira ngadto ha Lahela, Habor, ug Ara ngan ngadto han Gosan nga salog; aadto pa hira ngada yana.