Read Waray Samarenyo Meaning Based Nehemias 11 Bible Online

Nehemias 11 - Waray Samarenyo Meaning Based bible

Nehemias 11

¹Nag-ukoy ha Jerusalem an mga pangulo ngan nagripa an iba nga mga tawo basi ha kada napulo nga mga panimalay magpili hira hin usa nga panimalay nga makadto hin pag-ukoy didto han baraan nga syudad han Jerusalem, samtang an siyam naman mag-uokoy didto han iba nga mga syudad ngan mga bungto.

²Gindayaw han mga tawo an bisan hin-o nga nagbulontad hin pag-ukoy didto ha Jerusalem.

³Didto han iba nga mga bungto ngan mga syudad han Juda nag-ukoy didto han ira kalugaringon nga tuna an mga tawo han Israel, an kapadian, an mga Levita, an mga trabahador han Templo, ngan an mga tulin han mga surugoon ni Solomon. An nasunod amo an lista han dumagko nga mga tuminungnong han lalawigan han Juda nga nag-ukoy didto ha Jerusalem:

⁴Mga Sakop han tribo ni Juda: Hi Ataias nga anak ni Oseas ngan apo ni Zacarias. Lakip dinhe an iba nga kaapoy-apoyan nga amo hira Amarias, Sefatias, ug Malabel nga mga tulin ni Perez nga anak ni Juda.

⁵Hi Maasias nga anak ni Baruc ngan apo ni Colose. Lakip dinhe an iba nga kaapoy-apoyan nga amo hira Hasias, Adaias, Joyarib, ug Zacarias nga mga tulin ni Sela nga anak ni Juda.

⁶Tikang han mga tulin ni Perez, 468 nga bantogan nga mga tawo an nag-ukoy didto ha Jerusalem.

⁷Mga Sakop han tribo ni Benjamin: Hi Selum nga anak ni Mesolam ngan apo ni Joed. Lakip dinhe an iba nga kaapoy-apoyan nga amo hira Pedaias, Colias, Maasias, Etehel, ug Isaias.

⁸Hi Gabai ug Silai nga suok nga kauropdan[17] ni Selum. An mga sakop han tribo ni Benjamin nga nag-ukoy didto ha Jerusalem, 928 ngatanan.

⁹Hi Joel nga anak ni Sicri amo an ira pangulo ngan hi Judas nga anak ni Senua amo an ikaduha nga opisyal dida han syudad.

¹⁰An Kapadian: Hi Jedaias nga anak ni Joyarib ngan hi Jaquin.

¹¹Hi Seraias nga anak ni Hilkias ngan apo ni Mesolam. Nahilakip dinhe an iya kaapoy-apoyan nga amo hira Sadoc, Merayot, ug Ahitob nga amo an Labaw nga Padi.

¹²An mga sakop hini nga banay nga nag-alagad didto han Templo, 822 ngatanan. Hi Adaias nga anak ni Jeroham ngan apo ni Felelias. Nahilakip dinhe an iya kaapoy-apoyan nga amo hira Amsi, Zacarias, Fasur, ug Malquias.

¹³An mga sakop hini nga banay nga mga puno hin mga panimalay, 342 ngatanan. Hi Amasai nga anak ni Azarel ngan apo ni Ahas. Nahilakip dinhe an iya kaapoy-apoyan nga amo hira Mosolamot ug Emer.

¹⁴May 128 nga mga sakop hini nga banay nga bantogan nga mga sondalo. Hi Sabdiel an ira pangulo nga sakop hin tinahod nga panimalay.[18]

¹⁵An mga Levita: Hi Semias nga anak ni Hasub ngan apo ni Asaricam. Nahilakip dinhe an iya kaapoy-apoyan nga amo hira Hasabias ug Buni.

¹⁶Hi Sabetaias ug Josabad nga kinikilala nga mga Levita nga tinaporan han buruhaton ha gawas han Templo.

¹⁷Hi Matanias nga anak ni Mica ngan apo ni Zabadias nga tulin ni Asaf. Nangulo hiya han mga Musikero han Templo ha pagkanta han pag-ampo hin pagpasalamat. Hi Bacbukias nga kabulig ni Matanias. Hi Abdias nga anak ni Samua ngan apo ni Galal nga tulin ni Iditom.

¹⁸An mga Levita nga nag-ukoy didto han baraan nga syudad han Jerusalem, 284 ngatanan.

¹⁹Mga gwardya han Templo: Hira Acub, Talmon, ngan an ira mga kauropdan, 172 ngatanan.

²⁰Nag-ukoy an iba nga mga tawo han Israel ngan an salin nga kapadian ngan mga Levita didto han ira kalugaringon nga tuna ha iba nga mga syudad ngan mga bungto han Juda.

²¹Nag-ukoy an mga trabahador han Templo didto han bahin han Jerusalem nga gintatawag nga Ofel, ngan nagtrabaho hira ha ubos han pagdumara nira Siha ug Gasfa.

²²Hi Usi nga anak ni Bani ngan apo ni Hasabias amo an nagdumara han mga Levita nga nag-ukoy didto ha Jerusalem. Nahilakip han iya kaapoy-apoyan hira Matanias ug Mica, ngan sakop hiya han banay ni Asaf, an banay nga tinaporan han musika para han mga pagsingba ha Templo.

²³May-ada mga sugo han hadi nga nagpapahayag han mga turno han mga banay hin pagpangulo han musika han Templo ha kada adlaw.

²⁴Nagrepresentar hi Fetahias nga anak ni Mesesabel han banay ni Sara ngan han tribo ni Juda nga amo an natindog para han mga tawo han Israel didto ha palasyo han Persia.

²⁵Damo han mga tawo an nag-ukoy didto han mga bungto nga hirani han ira kaumhan. Adton mga sakop han tribo ni Juda nag-ukoy didto ha Kariatarbe, Dibon, Cabseel, ngan didto han kabaryohan nga hirani hini nga mga syudad.

²⁶Nag-ukoy liwat hira didto han mga syudad han Jesua, Molada, Betfalet,

²⁷Hazarsual, Berseba, ngan didto han kabaryohan hini nga mga syudad.

²⁸Nag-ukoy hira didto han syudad han Siclag, didto ha Mocona, ngan didto han kabaryohan hini,

²⁹didto ha Remon, Saraa, Jerimut,

³⁰didto ha Sanoa, Odolam, ngan didto han kabaryohan nga hirani hini nga mga bungto. Nag-ukoy hira didto ha Laquis ngan didto han higrani nga kaumhan, ngan ha Aseca ngan didto han kabaryohan hini. Ha aton pa, nag-ukoy an mga tawo han Juda ha katunaan nga nabubutnga han Berseba didto ha timogan ngan Kahamub-an Hinom didto ha amihanan.

³¹Nag-ukoy an mga tawo han tribo ni Benjamin tikang ha Geba didto ha amihanan ngadto ha Micmas, Ai, Betel, ngan didto han higrani nga kabaryohan,

³²didto ha Anatot, Nob, Ananias,

³³Asor, Rama, Gitaim,

³⁴Hadid, Seboim, Nebalat,

³⁵Lod, ug Ono, ngan didto han Kahamub-an han Mga Tawo nga Batid Magtrabaho.

³⁶Ginpaukoy tampo han mga tawo ni Benjamin in pipira nga hugpo hin mga Levita nga nag-ukoy didto han katunaan han Juda.