Read Waray Samarenyo Meaning Based Job 35 Bible Online

Job 35 - Waray Samarenyo Meaning Based bible

Job 35

¹Job, dako nga sayop an imo pagsiring nga waray ka sala ha atubangan han Dyos,

³o pagpakiana han Dyos, “Nakakadarahig ba ha imo an akon sala? Ano man an akon nakuha hin diri pakasala?”

⁴Babatonon ko ikaw ngan an imo kasangkayan liwat.

⁵Tan-awa daw an langit! Kitaa hin kahitaas han mga dampog!

⁶Kon nakakasala ka, diri ito nakakadaot han Dyos. Kon nakakadamo ka pakakasayop, nakakadarahig ba ini ha iya?

⁷Nabulig ka ba han Dyos pinaagi han imo pagkamatadong? Diri an Dyos nagkikinahanglan ha imo.

⁸An imo igkasi-tawo amo an nag-aantos tungod han imo mga sala, ngan an maupay mo nga ginbubuhat nakakabulig ha iya.

⁹Kon ginraraogdaog an mga tawo, naghaharoy hira; nasangpit hira hin usa nga magtatalwas ha ira.

¹⁰Kundi diri hira naayop han Dyos nga Magburuhat nira, nga nahatag ha ira hin paglaom dida han gisisiromi nira nga mga takna.

¹¹Diri hira naayop han Dyos nga naghihimo ha aton nga makinaadmananon, nga labaw ka makinaadmananon an tawo kay han bisan ano nga mananap o tamsi.

¹²Natawag hira hin pakibulig, kundi diri nabaton an Dyos, kay mga magpinahitas-on ngan magraot hira nga mga tawo.

¹³Waray la pulos para ha ira an pagtawag; diri nakita o nadungog ha ira an Dyos nga Labi Kamakagarahum.

¹⁴Job, nasiring ka nga diri ka nakita han Dyos, kundi hulat upod in pag-ilob kay hinbatian na niya an imo sumbong.

¹⁵An imo hunahuna nga diri nakastigo an Dyos, nga diri gud hiya nanginginano han sala.

¹⁶Waray la pulos para ha imo an pagyinakan; dayag kaupay nga diri ka maaram han imo ginyiyinakan.