Read Waray Samarenyo Meaning Based Job 40 Bible Online

Job 40 - Waray Samarenyo Meaning Based bible

Job 40

¹Job, gin-ayat mo an Dyos nga Labi Kamakagarahum; mabaton ka pa ba o diri?

³GINOO, nagyakan ako hin linurong. Ano man an akon ibabaton? Diri na ako magyayakan hin bisan ano.

⁵Labaw na han kaangayan an akon iginyakan.

⁶Niyan tikang han bagyo naghimangraw na liwat an GINOO kan Job.

⁷Tindog na ngan pagpakalalake, ngan batona an akon mga pakiana.

⁸Karuyag mo ba ipasabot nga diri ako matadong— pagsasayopon mo ba ako ngan ikaw amo an matadong?

⁹Sugad ka ba ha akon kakusog? Makusog ba an pag-aningal han imo tingog sugad kakusog han akon?

¹⁰Kon makakahimo ka, tindog ha imo dungog ngan parayaw; pagbisti hin pagkaharangdon ngan pagkatahom.

¹¹Tan-awa adton mga magpinahitas-on; ihuwad an imo kasina ngan himoa nga magpaubos hira.

¹²Tinuod, tan-awa ngan himoa nga magpaubos hira; pataya an mga magraot dida han ira tinitindogan.

¹³Iglubong hira ngatanan dida ha tuna; gaposa hira didto ha kalibutan han mga patay.

¹⁴Niyan ako an syahan nga magdadayaw ha imo, ngan matangdo ako nga ikaw an nakadaog han pagdarag-an para ha imo.

¹⁵Tan-awa an higante nga mananap nga Behemot;[75] gintuha ko ini ngan gintuha ko man ikaw. Nakaon ini hin banwa sugad hin baka,

¹⁶kundi hin kamakusog han iya lawas, ngan hin kadako hin gahom dida ha iya mga kusog.

¹⁷Natindog an iya ikog sugad hin sidro, ngan magkusog an iya mga bitiis.

¹⁸Sugad hin bronse kamarig-on an iya mga tul-an, ngan sugad hin puthaw nga mga barra an iya mga bitiis.

¹⁹Ini an labi ka makatitingala han ngatanan nga akon mga binuhat! An iya Magburuhat la an makakadaog ha iya.

²⁰Naturok an banwa nga gintutubong ha iya, dida han kapungtoran nga gin-uuyagan han mga ihalas nga kamanampan.[76]

²¹Naluob hiya ha sirong han mga katungkan, ngan natago didto ha mga tangbo han bangalog.

²²Nasirong hiya ha lindong han mga katungkan ngan han mga kahoy nga naloyloy an mga sanga ha ligid han sapa.

²³Diri hiya nahahadlok hin masulog nga salog; diri hiya napaalantod bisan dinadasmagan han Jordan an iya bayhon.

²⁴Hin-o in makakabuta ngan makakadakop ha iya? O hin-o in makakabitik han iya simod?