Read Waray Samarenyo Meaning Based Job 8 Bible Online

Job 8 - Waray Samarenyo Meaning Based bible

Job 8

¹Tapos ka na ba han imo waray hinungdan nga pamulong?

³Diri gud an Dyos naglulubag han katadongan; diri gud niya kinakawang an pagbuhat han matadong.

⁴Nakasala han Dyos an imo mga anak, sanglit iya ginkastigo hira sumala han angay ha ira.

⁵Kundi balik yana ngan hangyoa an Dyos nga Labi Kamakagarahum;

⁶kon tangkod ka gudman ngan putli, maabot ngan mabulig ha imo an Dyos, ngan ipapahiuli an imo panimalay sugad nga balos ha imo.

⁷Diri gud ikakatanding an ngatanan mo nga manggad nga nawara han ihahatag unina ha imo han Dyos.

⁸Palandonga hin madaliay an kadaan nga kinaadman; painuinoha an mga kamatuoran nga hinbaroan han aton mga ginikanan.

⁹Halipot la an aton kinabuhi ngan waray naton hinbaroan; nalabay kita han tuna sugad la hin mga lambong.

¹⁰Kundi patutdoa ha imo an kadaan nga mga makinaadmananon; pamati han ira igsisiring:

¹¹“Diri makakaturok an mga tangbo ha dapit nga waray tubig; aadto la ini naturok ha mga tubigon nga tuna.

¹²Kon nahubas an tubig, ini an syahan nga nalalaya, nga diri pa ngani igo pag-utdon ngan waray pa gamit.

¹³Sugad hini nga mga tangbo an mga tawo nga diri nakilala han Dyos; waray na an ira paglaom kon hinngangalimtan nira an Dyos.

¹⁴Nasarig hira hin usa nga inulang—hin usa la nga lawa.

¹⁵Kon sumandig hira dida hin lawa, makakahawid ba ini ha ira? Kon kumapyot hira hin usa nga inulang, makakabulig ba ini ha ira hin pagtukdaw?

¹⁶Naturok an magraot nga mga tawo sugad hin mga banwa nga sinisirakan han adlaw, sugad hin mga banwa nga nakakaluob han bug-os nga tanaman.

¹⁷Naguop han kababtoan an ira mga gamot ngan nakapyot gud ha[18] tagsa nga bato.

¹⁸Kundi gabota daw ini— waray ngani may maaram nga nakada ini.

¹⁹Tinuod, amo la ito an kalipay han magraot nga mga tawo; naabot na ngani in iba, sinasaliwanan hira.

²⁰Kundi diri gud pababay-an han Dyos an mga matinumanon, o diri mabulig hiya han magraot nga mga tawo.

²¹Patataw-on ka niya ngan pagogoliaton ka liwat,

²²kundi pagpapakaalohan niya adton mga nagdudumot ha imo, ngan mawawara an mga urokyan han mga magraogdaog.”