Read Waray Samarenyo Meaning Based Mga Salmo 1 Bible Online

Mga Salmo 1 - Waray Samarenyo Meaning Based bible

Mga Salmo 1

¹Palaran an tawo nga diri natuod han sagdon han mga magraot, nga diri nasunod han susbaranan han mga makasasala o natampo hadton nagtatamay han Dyos.

²Lugod, ikinalilipay niya an pag-aram han balaod han GINOO, ngan pamalandong hini ha adlaw ngan ha gab-i.

³Pareho hiya hin kahoy nga naturok ha ligid hin sapa, nga nabunga ha igo nga panahon, ngan diri nalalaya an iya mga dahon. Nauswag hiya han ngatanan nga iya binubuhat.

⁴Diri sugad hini adton mga magraot, kundi sugad hira hin ohot nga iginpapalid han hangin.

⁵Sanglit pagsisirotan han Dyos an mga makasasala ngan ibubulag hira tikang han mga magtadong.

⁶Kay an Dyos an nagmamangno han iya mga tawo, kundi mawawara han kadayonan an mga nagbubuhat hin karat-an.