Read Waray Samarenyo Meaning Based Mga Salmo 101 Bible Online

Mga Salmo 101 - Waray Samarenyo Meaning Based bible

Mga Salmo 101

¹[179] Pag-unong, kamatadong ak' kakantahon, ha imo, GINOO, akon aawiton.

²Panggawi ko diri magmamasalaypon; san-o ka pa ngani kakadi ha akon? Magpuputli ako han akon urokyan;

³magraot nga buhat di' ko tutugotan. Napupungtan ko an mga binuhatan han nabaya han Dyos nga mga katawhan. Diri ako manginginlabot ha ira, (ngan maupay nga pasagdan nala hira.)

⁴Diri na gud ako magmamalimbongon,[180] bis' karat-an[181] diri paghunahunaon.

⁵Tawo nga matamay akon pupuohon, nga han iya sangkay naglilinibakon. Diri manta ako hin tawo mauyon, hadton parayawan ngan mapahitas-on.

⁶An matinumanon han Dyos karuyag ko, ngan pauokyon ko ha akon palasyo; hira nga tinuod nga tangkod nga tawo, pagsirbe ha akon hira tugotan ko.

⁷Waray gudman mga tawo nga buwaon nga makakaukoy ha palasyo nakon; waray salingkapaw man nga malimbongon ha atubangan ko makakagpadayon.

⁸Adlaw-adlaw akon gud pagpupuohon, tanan nga magraot hinin tuna naton; tanan nga magraot ak' paiiwason, tikang hadton syudad han GINOO naton.