Read Waray Samarenyo Meaning Based Mga Salmo 138 Bible Online

Mga Salmo 138 - Waray Samarenyo Meaning Based bible

Mga Salmo 138

¹[218] Nagpapasalamat ak' ha im', GINOO, tikang gud han bug-os nga kasingkasing ko. Nagkakanta ako pagdayaw ha imo, atubangan han kadiyosan nga palso.

²Gin-atubang ko baraan mo nga Templo, nayukbo nga nadayaw han ngaran nimo. Tungod han imo gugma nga kadayonan, ngan han imo pagkamatinumanon man. Imo ginpakita nga labaw han tanan, an im' mga sugo ngan an imo ngaran.[219]

³Han akon pagtawag imo ginbaton man, im' ak' ginpakusog han imo kakusgan.

⁴Ha tuna, GINOO, tanan kahadian, magdadayaw ha im' hira gud ngatanan. Kay im' mga saad ira hinbatian,

⁵ira kakantahon imo binuhatan. Magkanta han dako nim' nga kagamhanan,

⁶bisan kon an GINOO hitaas gudman. Hiya napaid han ubos an kahimtang, han mapahitas-on di' h'ya katagoan.

⁷Kon ginlilibotan ak' hin kakurian, im' gintatalwas han mga kataragman. Mga kaaway ko im' inaatohan, gintatalwas ako han im' kagamhanan.

⁸Tanan mo nga saad im' pagtutumanon, O GINOO, an im' gugma an padayon. Hingpita gad adton imo gintikangan, gintikangan nga buhat, di' mo talikdan.