Read Waray Samarenyo Meaning Based Mga Salmo 14 Bible Online

Mga Salmo 14 - Waray Samarenyo Meaning Based bible

Mga Salmo 14

¹[20] An mga lurong nasiring ha ira kalugaringon, “Waray gud Dyos!” Mga magraot hira ngatanan, ngan ginbuhat nira in magpakalilisang nga mga butang; waray gud usa nga nagbubuhat hin matadong.

²Tikang ha langit natan-aw an GINOO ngadto han anak han mga tawo pagkita kon may-ada ba nagawi hin matadong, ngan nagsisingba ha iya.

³Kundi nagsayop hira ngatanan; hira ngatanan ubos magraot. Waray usa ha ira nga nagbubuhat hin matadong, waray gud bisan usa.

⁴“Diri ba hira maaram?” napakiana an GINOO. “Mga tapang ba ini ngatanan nga mga magburuhat hin maraot? Nabubuhi hira pinaagi hin panikas han akon mga tawo, ngan diri hira nag-aampo ha akon.”

⁵Kundi malilisang gud hira, kay kaupod an Dyos han mga nasugot ha iya.

⁶Ginkakawang han mga magburuhat hin maraot an mga larang han kablas, kundi an GINOO amo an iya panalipod.

⁷Nag-aampo ako nga umabot na unta an katalwasan tikang ha Sion ngadto ha Israel. Hin ka malipayon han mga tawo han Israel kon ibalik na liwat han GINOO an ira kamainuswagon!