Read Waray Samarenyo Meaning Based Mga Salmo 142 Bible Online

Mga Salmo 142 - Waray Samarenyo Meaning Based bible

Mga Salmo 142

¹[228] Hin pakibulig natawag ako han GINOO, ha iya ako nanginginyupo.

²Dara ha iya an akon mga sumbong, pati adton mga nakakasamok ha akon.

³Kon harapit na ako humunong, maaram na hiya han angay ko buhaton. Dida han dalan nga linalaktan nakon, mga kaaway ko nagbibitik ha akon.

⁴Ha akon pagsiplat nakikita ko nga waray usa nga ha akon naninimangno; waray naugop ug nalolooy nga tawo.

⁵Nasangpit ako hin pakibulig han GINOO, ikaw, O GINOO, an panalipod ko, ikaw la an kinahanglan ko ha kalibutan.

⁶An akon pakibulig imo gad pamatian, kay tugob na ako hin mga kabidoan. Ha mga kaaway imo ako talwason, kay makurukusog hira ha akon.

⁷Bawion mo ako ha akon mga kakurian,[229] ngan akon gud ikaw pagpapasalamatan. Dida han katirok han imo mga katawhan, kay ha akon naghatag ka hin kaupayan.