Read Waray Samarenyo Meaning Based Mga Salmo 146 Bible Online

Mga Salmo 146 - Waray Samarenyo Meaning Based bible

Mga Salmo 146

¹Pagdayawa, pagdayawa an GINOO! Pagdayawa an GINOO, O kalag ko!

²Dayawon ko hiya samtang buhi ako, hiya an pagkikinantahan nga Dyos ko.

³Ayaw tapod tawo nga mga pangulo, waray tawo makakatalwas ha imo.

⁴Kamatay nira balik ha tapotapo, tapos dayon an tanan nga ira plano.

⁵Hin pagkapalaran hadton tawo gudman, ngan an Dyos ni Jacob an iya katabang. Ngan kon adton iya gud sinasarigan, amo an GINOO nga Dyos nga gamhanan.

⁶Amo hiya'n Magturuha han ngatanan, han langit, han tuna, ngan han kadagatan. Ngan an tanan nga aada ha ira man, iya gintutuman mga ginsaaran.

⁷Naghuhukom hiya ngan inuogopan, adton ginsasakit ngan ginlulupigan. Adton gutom hin pagkaon gintatagan, mga priso iya gud ginbubuhian.

⁸Iya ginpapakita an mga buta, iya ginbabangon adton natutumba. Magtadong katawhan iya hinigugma,

⁹mga dumuruong ginmamangnoan n'ya.

¹⁰Hadi gud hin kadayonan an GINOO, maghahadi gudman, O Sion, an Dyos mo. Para han ngatanan nga panahon ito, pagdayawon, pagdayawon an GINOO!