Read Waray Samarenyo Meaning Based Mga Salmo 149 Bible Online

Mga Salmo 149 - Waray Samarenyo Meaning Based bible

Mga Salmo 149

¹Pagdayawa an GINOO, pagdayawa! Pagkantahi an Dyos hin bag-o nga kanta. Didto an matinumanon katawhan n'ya, ha ira katirok pagdayawa hiya!

²O Israel, magmalipayon na kamo, tungod hadton Dyos nga iyo Maghirimo. Katawhan han Sion magrayhak na kamo, nga tungod man liwat hadton hadi niyo.

³Adton iya ngaran iyo pagdayawon, pinaagi man hin mga sarayawon. Mga bumbo, mga arpa pagtokaron, dida han pagdayaw ha iya gihapon.

⁴An kanan GINOO gud nalilipayan, amo gud adton iya mga katawhan. An mapaubsanon ginpapasidunggan, hin paghatag ha ira hin pagdarag-an.

⁵Papagrayhaka ha ira kadaogan adton kanan Dyos gud mga katawhan. Ngan papagkantaha nga may kalipayan, ha bug-os nga gab-i nga may kombite man.

⁶Hin dagko nga tingog papaggogliata, samtang ira gindadayaw an Dyos nira. Upod in magtarom nira nga espada, nga pagkakaptan han mga kamot nira.

⁷Basi pagpirdehon adton kanasoran, ngan pagkastigohon an mga katawhan.

⁸Basi kadenahan ira kahadian, ngan hin puthaw an ira mga punoan.

⁹Basi pagkastigohon an kanasoran, sumala hadton kanan Dyos iginmandar. Pagdarag-an ini han iya katawhan. Pagdayawa an GINOO, dayawa man!