Read Waray Samarenyo Meaning Based Mga Salmo 15 Bible Online

Mga Salmo 15 - Waray Samarenyo Meaning Based bible

Mga Salmo 15

¹[21] Hin-o an makakasulod nga mga tawo, GINOO, han imo baraan nga templo? Hin-o man ha imo in mag-aataman ha Sion, an imo bukid nga baraan?[22]

²An tawo la nga han Dyos masinugtanon, ha ngatanan nga butang diri masuson; ngan dayuday nagbubuhat hin matadong, matuod ug angkod iya mga pulong,

³an diri nayubit pagtamay han iba, diri nagdadaot kasangkayan niya, diri napasarang hin sumat nga buwa, ha mga kaamyaw, kahigrani niya.

⁴An nasikway han Dyos iya sinusosnan, an masinugtanon ginpapasidunggan; iya mga saad pirme gintutuman, bisan pa madako iya kabaraydan.

⁵Tungod hin kalooy hiya napautang, hin mga patubo waray kinahanglan; ngan diri gud hiya nga nahuhukipan, pagtestigo kontra han diri salaan. Adton magbuhat hini nga mga butang, aada pirme hin waray kahadlokan.