Read Waray Samarenyo Meaning Based Mga Salmo 20 Bible Online

Mga Salmo 20 - Waray Samarenyo Meaning Based bible

Mga Salmo 20

¹[31] Magbaton unta ha imo an GINOO, dida ha butnga han kakurian nimo! Hinaot pa unta nga an Dyos ni Jacob, maghatag ha imo hini nga panalipod.

²Ha iya Templo iya ka unta buligan, ha Bukid Sion iya ka panabangan.

³An imo mga halad karawaton niya, tinubod nga unong makalipay unta;

⁴Tagan ka unta han imo inuungara, umuswag unta an imo ginhunahuna.

⁵Nagoliat kami, an mga malipayon, han pagdarag-an nga hinatag ha amon. Hin pagdayaw han Dyos pagsaurogon, ug an imo panuyo han Dyos batonon.

⁶Sayod na ako nga han Dyos tinatagan, an pinili nga hadi han pagdarag-an. Ha baraan nga langit, hiya nabaton, nahatag hin pakadaog an iya gahom.

⁷May natapod han ira mga karomata, han ira mga kabayo, an iba; kundi an ha amon waray sasarigan, labot han GINOO han kagamhanan.

⁸Mahipapakdol ini nga katawhan, matukdaw kami, diri mapupukan.

⁹Padag-a gad, GINOO, an amon hadi, kon amon ka tawagon, batona[32] kami.