Read Waray Samarenyo Meaning Based Mga Salmo 21 Bible Online

Mga Salmo 21 - Waray Samarenyo Meaning Based bible

Mga Salmo 21

¹[33] An hadi tugob hin kalipay, GINOO, kay hin kusog hin pakadaog tinagan mo.

²Iginhatag mo an iya karuyagon, ngan an iya panuyo imo ginbaton.

³Nagdara ka hin damo nga kaupayan, ginkoronahan mo hiya hin bulawan.

⁴Hin kinabuhi imo hiya tinagan, an kinabuhi nga waray katubtoban.

⁵Tungod han imo bulig, hiya ginhimaya, dungog ngan bantog tinagan mo hiya.

⁶Kaupayan nga dayon upod ha iya, nakapuno hin kalipay kay tampo ka.

⁷Ihinatag han hadi an iya pagtoo, han Labi Kamakagarahum nga GINOO. Tungod han dayon nga gugma ha GINOO, dayudad waray ha iya mag-aano.

⁸An mga kaaway han hadi dadakpon, adton nagdudumot, iya bibihagon.

⁹Hiya daw kalayo nga naglalahinggab; pag-abot niya, hiya an magbubungkag; Lalom-oyon hira han Dyos nga nasisina, an kalayo an mag-uugtang ha ira.

¹⁰Ubos mapatay an mga tulin nira, ngatanan han hadi pupuohon hira.

¹¹Kontra ha iya magraot an ira plano, kundi diri ini hira makakahimo.

¹²Ha ira ipupunting an mga pana, ngan matalikod ug madalagan hira;

¹³GINOO, an kusog mo gindadayaw namon. An gahom hin pagdayaw amon kakantahon.