Read Waray Samarenyo Meaning Based Mga Salmo 46 Bible Online

Mga Salmo 46 - Waray Samarenyo Meaning Based bible

Mga Salmo 46

¹[79] An Dyos an at' kusog ngan an panalipod, kon may kasamokan andam pagbulig gud.

²Sanglit di' mahadlok, bis' tuna mabay-og, bis' an kabukiran ha dagat mahulog.

³Bis' an mga dagat magmadlos, magngurob, ngan an kapungtoran magkaabog-abog.

⁴Syudad han Dyos may lipay tikang hin salog, ha baraan balay han Gilabawi gud.

⁵An Dyos nagpupuyo dida hit' nga syudad, ngan diri gud ito manta mababantad. Ha temprano pa gud hiton kaagahon naabot na hiya pagbulig gihapon.

⁶Adton mga nasod magkalisang-lisang, magkakababay-og mga ginhadian, an Dyos magyayakan, daw dalugdog gudman. Magkakatutunaw adton katunaan.

⁷Upod ta'n GINOO Labaw han Ngatanan. Dyos ni Jacob amo an at' darangpanan;

⁸Kadi, kitaa an iya binuhatan, mga buhat niya nga kahiburongan.

⁹Mga araway ginpapahunong niya, ha bug-os gud nga kalibutan ha tuna. Iya ginbabari mga bangkaw, pana ngan an mga taming iya ginsusugba.

¹⁰“Hunong hin pag-araway,” an siring niya, “ngan nga ako amo an Dyos kilalaha; labaw nga pangulo hadton kanasoran, sugad man han bug-os gud nga kalibutan.”

¹¹An GINOO Labi Kamakagarahum, amo an aanhi nga kaupod naton. Hiya amo ngahaw an Dyos ni Jacob man ngan amo man hiya an at' darangpanan.