Read Waray Samarenyo Meaning Based Mga Salmo 48 Bible Online

Mga Salmo 48 - Waray Samarenyo Meaning Based bible

Mga Salmo 48

¹[82] An GINOO hin pagkabantogan gudman, dayaw ha iya hin dako kinahanglan; nga ha syudad han aton Dyos pagtitikang, didto han iya gud pungtod nga baraan.[83]

²Hin pagkahitaas ngan pagkamatahom, hadton bukid han Dyos nga an ngaran Sion; syudad ini hadton hadi nga bantogan, nga naglilipay han bug-os kalibutan.

³Kanan hini nga Dyos iginpakita na, nga waray kataragman kon upod ha iya; dit' ha sakob hadton mga salipdanan, nga amo an kanan syudad arayopan.

⁴Nagkatitirok an mga kanasoran, pagsulong han Sion, bukid nga baraan;

⁵Han ira pagkit-i, ira naburongan, hira nagkahadlok, largo pandadlagan.

⁶Didto hito hira hin kulba inalpan, hin baga kahadlok ngan hin kasakitan. Sugad hin babaye nga tipag-aranak,

⁷daw hin mga barko hin bagyo gindagmak.

⁸An buhat han Dyos amon na hinbatian, ngan amon na ini yana gud hinkit-an; dit' han syudad han amon Dyos nga gamhanan, waray na kataragman hin kadayonan.

⁹O Dyos, didto hadton sakob han im' Templo, am' ginhandom an dayuday nga gugma mo.

¹⁰Ikaw gindadayaw hadton mga tawo, ha ngatanan gud nga mga dapit didto. Ngan naabot adton imo kabantogan, ngadto hadton bug-os gud nga katunaan; nga im' ginhahadian hin katadongan;

¹¹magkalipay an ha Sion nga katawhan. Hin katadongan gudman naghuhukom ka, mga syudad han Juda, pagkalipay na.

¹²Mga tawo han Dyos, Sion paglibota ngan an mga torre hini pag-ihapa.

¹³Mga pader hini panginanoa na, mga panalipdanan pag-usisaha; basi mahimo gud nga makagsumat ka, han masunod nga mga kaliwatan pa.

¹⁴Sugad hini hira imo susumatan: “Ini nga Dyos aton Dyos hin kadayonan; iya manta kita nga pagmamandoan, ha tanan tiabot nga kapanahonan.”